GEMEENTE BOARNSTERHIM
22. Utstel oangeande beropskrift tsjin
beslút ôfwizen stúdzjekostefergoe-
ding.
Oan de ried.
Grou, 2 septimber 1988.
Yn ús gearkomste fan 1 maart fan dit jier hawwe wy besletten om in
fersyk om stúdzjekostefergoeding foar in oplieding ingelsk (MO-B) of
te wizen. Us beslút is basearre op kêst 3 fan it "reglement
studiefonds gemeente Boarnsterhim", dêr't yn steld wurdt dat
wannear't in fergoeding ûntfongen wurdt fan in oare ynstelling (Ryk,
Provinsje, G.A.B.) in gemeentlike fergoeding útsluten wurdt. De
mooglikheid om der op in útsûndering te meitsjen wurdt yn'e regeling
net neamd.
Nei oanlieding fan dat ôfwizingsbeslút is in beropskrift yntsjinne.
Dêrnei is de yntsjinner fan it beropskrift heard troch de kommisje
beswier- en beropskriften Boarnsterhim. Op grûn dêrfan en
oanbelangjende stikken hat de kommisje advisearre it beropskrift
ûngrûndearre te ferklearjen. It advys en it proses-ferbaal fan de
sitting lizze foar jim by de stikken op besjen.
De stúdzjekostefergoedings-regeling is yn 1984 ynsteld mei de
bedoeling om minsken temjitte te kommen dy't gjin oanspraak meitsje
kinne op in foarm fan stúdzjefinansiering. De regeling rint no al in
oantal jierren, in reden foar ús om ynkoarten de saken ris op in
rychje te setten. Mooglik dat der wat oanpassings nedich binne as
gefolch fan maatregels dy't troch it Ryk nommen binne of noch nommen
wurde sille wat de stúdzjefinansiering oangiet. Mar ek sille wy ris
kritysk nei de risseltaten fan de eigen regeling sjen moatte. Moat
dy bygelyks feromme wurde of moatte der just neiere betingsten steld
wurde, sadat guon opliedings útsluten wurde? It is us bedoeling om
dêr oer net al te lange tiid nochris op werom te kommen.
Op dit stuit wolle wy us beheine ta it earderneamde beropskrift en
stelle jim út it advys fan de kommisje berop- en beswierskriften oer
te nimmen en it beropskrift ûngrûndearre te ferklearjen.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0038V 1
