GEMEENTE BOARNSTERHIM
25. Utstel om foar in part temjitte te
kommen oan it fersyk fan de ferie-
ning foar P.K.-Basisûnderwiis yn
Warten om meiwurking op grûn fan
kêst 74 W.B.U. foar de ferfanging
fan (learlingesets).
Oan de gemeenteried.
Grou, 2 septimber 1988.
Fan it bestjoer fan de feriening foar Protestants Kristlik
Basisûnderwiis yn Warten is it fersyk ynkommen op grûn fan kêst 74
fan de Wet op it Basisûnderwiis om mei te wurkjen oan en finansjele
middels beskikber te stellen foar ferfanging fan (learlingesets) fan
de bysûndere basisskoalle "It Ljochtbeaken" yn Warten.
De taffeltsjes en stuoltsjes binne 20 jier lyn oantúgd. Hja binne
neffens de taljochting by it fersyk fan de feriening oan ferfanging
ta. Dat wurdt ek nochris ûnderstreke troch de ôfdieling jongerein-
sûnenssoarch fan de D.G.D. Noard Fryslân. Ferfanging is net allinne
nedich om't it meubilêr te'n ein is, mar ek om't der ferskate sets
binne dy't kwa ôfmjitting net mear passé.
Boppedat is men yn Warten fan betinken dat der benammen foar de
boppebou te min dif ferens jaas je is wat de grutte fan de
learlingesets oanbelanget.
En as léste punt wurdt noch oanfierd dat de kwalilteit fan de
(plestik) stuoltsjes nei 20 jier sadanich is dat de feiligens fan de
bern op it aljemint komt. Benammen dat leste is in wichtich argumint
om nij oan te skaffen.
Wy hawwe ündersykje litten yn hoefier ferfanging fan de
learlingesets needsaaklik is. Derby is rekken halden mei de lingte
fan de learlingen. Konklúzje fan it ûndersyk is, dat de tafels noch
aardich goed binne, en dat it oantal tafels kwa hichte oanslute by
it oantal dat nedich is, sadat ferfanging noch net needsaaklik is.
Mei de stuoltsjes is it wat oars. Dy binne sadanich fersliten dat se
yndied oan ferfanging ta binne. De stuoltsjes binne slop yn it
bekling, om't de rek der nei 20 jier út is. De gemeente hat gjin
geskikt materiaal oer, sadat nij oantúgd wurde moat. Op dit stuit
binne der 28 learlingen. Der moat rekken halden wurde mei in lytse
marzje, sadat 33 nije stuoltsjes oantúgd wurde moatte foar in
bedrach fan sawat 4.000,de b.t.w. der yn beflapt.
Wy stelle jimme ried út foar ferfanging fan taffeltsjes gjin
meiwurking te ferlienen en gjin finansjele middels beskikber te
stellen, omdat dit útgean soe boppe de normale easken oan it jaan
fan ûnderwiis te stellen. Foar ferfanging fan stuoltsjes stelle wy
foar de meiwurking wol te ferlienen en dêrfoar in bedrach fan
4.000,(ynklusief b.t.w.) beskikber te stellen.
Foar de folsleinens merke wy noch op, dat in minderheid binnen ús
kolleezje (wethouder k. Breeuwsma) fan betinken is, dat ek
meiwurking jûn wurde moat oan it ferfangen fan de tafels.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0038V 22