-9-
De walkanten yn Aldeboarn binne nei foaren skood tafallich omt
fan provinsjale side soksoarte wurken subsidiearre wurde.
De bydrage fan'e provinsje wurdt pas skriftlik tasein neidat de
rie jûn it útstel fan it kolleezje oernimt.
It soe hiel moai wêze as de brêge yn Terherne sa wurde koe as de
hear Van der Baan him dat yntinkt, mar it jild is der
spitichernêch net foar.
We moatte it beste der mar úthelje en lokkich kin der noch romte
makke wurde foar in aparte streek foar fuotgongers.
Oan'e riolearing yn Jirnsum moat no wol aandacht bestege wurde
omt de "verfijningsregeling" takom jier ferfalt.
Hy tinkt dat de riolearing hjir wol by de doarpsfernijing heart
yn dy sin dat doe't foar in oar part fan Jirnsum in jier as
trije lyn de provinsje jild út'e knyppuntenpot doarpsfernijing
útkeard hat foar de riolearring dat dus as doarpsfernijing
besjoen waard.
It kolleezje is best ree de 170.000,bestimmingsreserve te
parkearen, Jirnsum moat dochs op'e kop en dan kin dat jild brûkt
wurde foar it opkreazjen fan it doarp.
Wat it Halbertsmaplein oanbelanget is it yndied sa dat it al in
pear jier opskood is. As it útstel jûn oannommen wurdt sil der
hiel hastich mei in plan oan'e gong gien wurde.
De hear Nieuwdam seit dat der kleardernôch nochal rojaal rûze
wurdt. Hy freget oft it mooglik is in list te meitsjen fan
projekten dy't passé yn it ramt fan'e doarpsfenijing sadat der
wat sicht op komt wat der bygelyks oer tweintich jier barre
moat. Hy bringt it brief fan de provinsje te binnen dêr't yn
skreaun wurdt dat we de jilden foar'e doarpsfernijing goed brûke
moatte en dat de provinsje der op rekkent dat der foar guon
ynvestearings ek reservearre wurdt omt it ek te krijen hat mei
achterstallich as gewoan ûnderhâld.
Syn fraksje bliuwt fan betinken dat de bestimmingsreserve foar
Jirnsum net yn'e doarpsfernijingspot stoarten wurde moat.
De hear Van der Baan freget hoe hastich der mei in plan foar it
Halbertsmaplein begûn wurde sil. Is dat yn elts gefal yn'e
earste helte fan 1989.
Wethêlder Breeuwsma seit dat it mooglik noch earder wêze sil.
De hear Van der Baan freget oft de wethâlder ree is oan'e brêge
fan Terherne prioriteit te jaan.
As it útstel oannommen wurdt hat hy beswier tsjin de wize dêr't
mei reserves omgien wurdt.
Wethêlder Breeuwsma seit dat der in list fan projekten foar de
doarpsferni jing is. Der wurdt wolris wat yn prikt om as der
bygelyks jild fan de provinsje komt in oar projekt as boppe oan
stiet oan te pakken.
It is ferskriklik dreech om krekt oan te jaan oft dat
achterstallich ûnderhâld is as doarpsfernijing.
It jild foar Jirnsum wurdt parkeart en it kolleezje sil as it
brûkt wurde moat earst mei it útstel yn'e rie komme.
Der sil tige hoeden mei omgien wurde. De riolearing lykwols moat
der komme. Hy hopet dat der ynkoarten dúdlikheid komme kin oer
it hiele barren.
0050V 9
