- 11 -
Mar it nimt net wei dat it ús oanfiterje moat om mooglikheden
dy't soms samar yn berik binne, om dy mei beide hannen oan te
gripen.
As dit dan net bart, lykas by de ferkeap fan it Gasbedriuw oan
FRIGEM, steane wy fersteld en sette fraachtekens by it missen
fan sa'n kâns.
Wy wolle net te folie seure, mar dit sit ús noch al heech.
Dat it grûnbedriuw op dizze wize sûn te krijen is, binne wy fan-
seis wol wiis mei.
Om 1% ûnreplyk-guodbelêsting der by te dwaan, fine wy jammer. Ek
omdat dit sa steld wurdt dat dit foar it musykûnderwiis is, fine
wy net terjochte. Der is in gat, dat moat opfolle wurde, der
giet it om.
Neffens ús is dit net de iennichste needklep dy't om opfolling
freget.
By dit ûnderdiel soene jo ek oare mooglikheden op dit sosiale en
kulturele mêd besjen moatte, lykas it funksjonearjen fan de
wurkpleats fan it projekt M.S.W.
Sjoen de ûntwikkeling op de arbeidsmerk en de ferslagen fan
langduorjende- en jongere wurkleazen, soe it wol ris sa wêze
kinne, dat saken der't men 5 jier lyn fan tocht dit is de oplos
sing, men no seit troch de ervaring dat it sa net moat.
Us fraksje is fan miening dat it regerings- (of ús oerheid)
belied fan de leste 6 jier seker bydroegen hat ta in sterkere
ekonomyske tastân fan ús lân, ten opsichte fan oare lannen.
Der moat wis wier noch folie barre om de stelde doelen te be-
rikken.
Wy moatte as fraksje wol tajaan dat plattelânsgemeenten sa as
úzes, mei syn aparte lizzing en eigenaardigheden te min omtinken
krije.
Dat de Rykswei 32 ferdûbele wurd is foar ús gemeente in geun-
stich barren. Hoewol wy it wol wat frjemd fûnen dat de bydrage
fan de provinsje sa grut wêze moast om dit te berikken.
Us fraksje wol jo kolleezje dan by dizzen ek tige oantrúnje om
dat diel fan de Rykswei fanôf it Pr. Margrietkanaal oan't de
súdlike grins fan de gemeente ta en dan bynammen Akkrum, sawol
de oanslútingen fan op- en ôfdiken, mar ek de trochfeart fan de
"Boarn", om der it measte en it beste foar ús út te hel jen.
Sterkte tawinske.
Fierders wat it kolleezjeprogramma oangiet, moatte wy dochs
ûnderskriuwe dat ûndanks de swierrichheden yn dizze tiid toch
inkele ferbetteringen har oantsjinje, lykas:
1. sûnmeitsje fan it grûnbedriuw;
2. nota "Vrede en Veiligheid".
3. it ridlik trochgean fan it sanearjen fan de grûn yn it ramt
fan it miljeubelied.
Wat de wurkgelegenheid oangiet, wat er by it kolleezje nochal
heech oanskreaun stiet, hawwe ek wy ús grutte soargen oer. Sjoen
it ynkoarten fan it personiel by de Frico en de C.C. FRYSLAN,
dit komt ek op ús gemeente oer as in swiere lest ek mei omdat ús
gemeente sa tige "agrarisk" is.
De reorganisaasje fan it amtlik apparaat blykt, no't it grutste
diel efter de rêch is, hat dochs noch wol inkele swierrichheden
op- levere.
Wy winskje jo kolleezje in protte wiisheid ta, omdat it hjir om
minsken giet, om foar dit soarte fan saken ek in goede oplossing
te finen, foar de minsken dy't dit oangiet.
0052V
