- 5 -
Dizze ferkeap is foar Terherne it best mooglike. Efterôf docht
no bliken dat de wize fan útfiering net alhiel sûnder wryt of
slyt ferrûn is. Mar de gemeente har hjir mar sidelings relaasje
mei, it is yn it foarste plak in saak fan stichtingsbestjoer en
keaper. Hy trúnt der tige op oan dat it stichtingsbest joer yn it
fierdere ferrin hiel soarchfâldich te wurk gean sil. It oan-
foljende útstel kin hy mei ynstimme. It jout in bytsje mear
romte de saak oangeande de grûn ûnder it Paviljoen of te
meitsjen. It is tige spitich dat der in ferlies fan 3% ton is.
Syn fraksje kin ynstimme mei de dekking út de reserve fan it
gasbedriuw.
Hy winsket de keaper in soad sukses by de útfiering fan syn
plannen.
De hear Volberda seit dat syn fraksje akkoart giet mei it út-
stel. In ferlies fan 3% ton is wol begrutlik jild.
Hy hopet dat Postma yn'e takomst gelok hawwe mei yn Terherne.
De hear Van der Baan seit dat yn it ferline yn Terherne in soad
wurk troch de ynwenners fersetten is om it doarp op rekreatyf
mêd ta ûntjouwing te bringen. Hy soe tekoart sjitte as hy dat
net efkes oanhelle. Terherne libbe yn dy tiid as in hert en doe
hawwe tûzenen minsken as toerist Terherne kennen leard en wur-
dearre. Gearwurking tusken gemeentebestjoerders en V.V.V., wie
hiel gewoan. Der binne doe allegear saken opset, dy't no wol
fraachtekens oproppe mar doe hiel goed wiene. Letter kaam de
Stichting Wetterrekreaasje dy't syn garânsjes fan'e gemeente
krige. In mistaast, de oanlis fan Jongebuorren, hat der ta laadt
dat it de ferkearde kant útgie.
No kinne we bliid wêze mei de Terhernster dat troch dizze fer
keap in basis lein is foar in nije ûntjouwing. De ferkeap fan'e
rekreaasjeterreinen wie in earste betingst om it betrouwen yn'e
takomstige mooglikheden werom te finen.
Hy hat genôch betrouwen yn de nije ûndernimmer om de kansen dy't
hy sjocht te realisearjen.
Hy ferwachtet dat eltsenien mei de gemeente en de nije ûnder-
nimmer yn goede harmony gearwurkje sil.
Hy stiet der op dat de ôfwikkeling fan'e saak mei de eardere
wurknimmers soarchfâldich barre sil.
It bliuwt spitich dat we in part fan'e gasreserves no ynleverje
moatte mar hy stipet dochs it útstel.
De konsekwinsjes oangeande it swimmen sille noch wol op ús ta-
komme.
Al mei al is hy tige bliid mei dizze ûntjouwing yn Terherne.
Wethâlder Breeuwsma is bliid dat de rie yn grutte halen achter
it útstel stiet. Hy fynt dat frou Aukes yn guon fan har opmer-
kings wol hiel suggestief wie.
Yn it oanfolgjende stik moat net stean: "Deze verkoop" mar "De
juridische levering".
It is tige wichtich dat de belangen fan it personiel goed beher-
tige wurde. De measte personielsleden wiene al by de stichting
wei. De nije keaper, sa hat hy begrepen, hat seis foldwaande
minsken yn hûs. Wy kinne oars net as de twa oerbleaune perso
nielsleden, dy't no yn'e ûnderbrekking sitte, by de nije ûnder-
nimmer oanrikkemandearje. Dêr sil oandacht oan bestege wurde.
We meie hiel bliid wêze mei dizze ferkeap. Want sil Terherne in
rekreaasjedoarp bliuwe dan binne grutte ynvestearrings as dizze
perfoarst nedich.
0053V 19