w
24. Utstel om in beslút te nimmen op
it beswierskrift fan de hear 0.
van Gorkum te Reduzum om de
bydrage yn'e kosten fan it
skoallebuske tusken Idaerd, Friens
en Reduzum yn te lûken.
Oan de gemeenterie
Grou, 3 febrewaris 1989
Yn de gearkomste fan 5 july 1988 hat jimme rie besluten om de
bydrage yn'e kosten fan it skoallebuske tusken Idaerd, Friens en
Reduzum yn te lûken mei yngong fan de datum, dat de leste fan de
beide tunnels, dy't yn it trajekt Idaerd-Reduzum (tunnel ûnder
Rykswei 32 en de spoarbaan) en it trajekt Friens-Reduzum (tunnel
ûnder de Snitserdyk by de krusing mei de Oeryselske Strjitwei)
oanlein wurde sil, oplevere wurdt.
Tsjin dat beslút hat de hear 0. van Gorkum op grûn fan kêst 7, lid
2, fan de Wet Administrative Rjochtspraak Oerheidsbeskikkings in
beswierskrift yntsjinne by jimme ried.
De kommisje foar berop- en beswierskriften hat nei oanlieding fan it
beswierskrift in harksitting hâlden op 26 oktober 1988. It
proses-ferbaal fan dy sitting leit, lyk as de oare stikken, dy't op
dy saak slaan, by de riedsstikken foar jimme op besjen.
Op 6 jannewaris 1989 hat de kommisje in skriftlik advys oan jimme
ried útbrocht. Dat advys leit ek op besjen.
Yn syn algemienens is de kommisje fan oardiel dat it beslút fan
jimme rie droegen wurde kin troch de motivearring, dy't datoangeande
de grûnslag foarmt, wylst ek oars net steld wurde kin, dat it beslút
yn striid is mei in oar yn it algemien rjochtsbewustwêzen libjend
algemien begjinsel fan behoarlik bestjoer.
Wy kinne ús mei it advys fan de kommisje lykfine en stelle jimme
ried út om it beswierskrift ûngrundearre te ferklearjen. It ûntwerp-
beslút leit by de riedsstikken op besjen.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0055V 38
GEMEENTE BOARNSTERHIM