GEMEENTE BOARNSTERHIM
26. Utstel om jild beskikber te stellen
foar it oanpassen fan en it oantúg-
jen fan ûnderwiislearmateriaal
foar de iepenbiere basisskoalle
"De Lege Geaën" yn Sibrandabuorren.
Oan de gemeenteried.
Grou, 3 febrewaris 1989
Begjin dit jier is in learling mei in fisuele handikap talitten op
de iepenbiere basisskoalle "De Lege Geaën" yn Sibrandabuorren. Ien
en oar leit yn'e line fan it ryksbelied om learlingen sa min mooglik
nei in skoalle foar spesiaal ûnderwiis te ferwizen. Troch it
ministearje fan ûnderwiis en wittenskippen is dêrom de mooglikheid
opnommen om skoallen "ekstra formaasje" ta te kennen, wannear't dy
learlingen mei in bepaalde handikap opnimme.
Dêrnjonken kinne skoallen foar spesiaal ûnderwiis ekstra formaasje
foar saneamde "ambulante begelieding" kleme. De bedoeling dêrfan is
dat learkrêften fan it spesiaal ûnderwiis it regulier ûnderwiis
stypje en begeliede by it ûnderwiis oan learlingen dy't oars mooglik
yn it spesiaal ûnderwiis telâne kommen wiene.
Op dit stuit binne der in oantal skoallen dy't gebruk meitsje fan de
personiele fasiliteiten fan it ministearje fan ûnderwiis. Ien fan dy
skoallen is sûnt koart de iepenbiere basisskoalle yn Sibrandabuorren.
It giet om in learling dy't fisueel handikapt is. Wol dy learling sa
goed mooglik funks jonear je kinne dan sil der ek oan in oantal
materiële betingsten foldien wurde moatte. Sa moat neist oanpast
ûnderwiis- learmateriaal en meubilêr, de ferljochting yn it gebou
oanpast wurde.
Underwiislearmateriaal en meubilêr.
Op advys fan de Regionale Skoalle Noard te Haren moat yn it belang
fan de learling oanpast underwiislearmateriaal en meubilêr oanskaft
wurde. De kosten dêrfan wurde rûsd op 1.900,(ynklusyf b.t.w.).
De ministearjes fan ûnderwiis en sosjale saken hawwe ófspraken makke
oer de kosten dêrfan. Yn it ramt fan de A.A.W. wurde de needsaaklike
kosten fergoede troch de bedriuwsferiening (G.A.K.). In fersyk om
fergoeding fan de needsaaklike kosten is al ynstjinne by it Gak yn
Ljouwert.
Ferljochting.
Troch de stifting VISIO te Haren is de ferljochting yn it skoalgebou
ûndersocht. It hat bliken dien dat de ferljochting op bepaalde
punten net foldocht oan de saneamde Londo-noarm; de foarsjenning
dêr't de ryksfergoeding op basearre is. Sa moat de ferljochting yn
it beuker- en "handenarbeidlokaal" oanpast wurde. Dêrnjonken moat yn
alle lokalen boerdferljochting komme. It giet dus om oanpassing fan
de minimaal needsaaklike ferljochting yn it gebou. De kosten dêrfan
wurde rüsd op 5.100,(ynklusyf b.t.w.).
De stifting VISIO giet yn syn advys út fan in needsaaklik heger
ferljochtingsnivo dan de Londonoarm. Yn de fizy fan VISIO soe it
ferljochtingsnivo sadanich omheech moatte, dat de hiele elektryske
ynstallaasje oanpast wurde moatte soe.
0055V 73