GEMEENTE BOARNSTERHIM
39. Utstel om it bestjoer fan de by-
sûndere basisskoalle "It Ljocht-
beaken" te Warten meiwurking te
ferlienen om in bûtenferljochting
by de skoalle oan te bringen.
Oan de gemeenteried.
Grou, 10 maart 1989.
Om ynbraak, fandalisme en brânstifting tsjin te gean hat jimme rie
yn syn gearkomste fan 17 jannewaris 1989 (wurklistnûmer 19)
besletten om alle iepenbiere- en bysûndere basisskoallen en de
skoallen foar fuortset ûnderwiis yn ús gemeente elektroanysk te
befeiligjen.
Yn oansluting dêrop hat it bestjoer fan de bysûndere basisskoalle
"It Ljochtbeaken" yn Warten op grûn fan kêst 74 fan de Wet op it
Basisûnderwiis jimme rie frege meiwurking te jaan om saneamde
"1jochtpunten" buten it skoallegebou oan te bringen.
It skoallebestjoer wiist der op, dat de lizzing fan it gebou oan de
kant fan it skoalleplein sadanich is, dat it "útnoadiget" dêr yn te
brekken (tsjuster en gjin tafersjoch). It is dêrom winslik dêr
inkelde "1jochtpunten" oan te bringen om ynbraak foar te kommen.
Neffens de ofdieling boukunde fan de haadêfdieling IWRO is dêr by't
tsjuster yndie te min Ijocht by de haadyngong fan de skoalle. Fandêr
dat it in goed ding wêze soe, as yn it ramt fan ynbraakprevinsje in
bûtenferljochting yn'e foarm fan 2 bûtenlampen, dy't skeakele wurde
kinne fia de skimerskeakelder, njonken de binnenbefeiliging
oanbrocht wurdt.
De kosten fan it oanbringen fan de beide ljochtpunten mei de foar-
sjennings, dy't dêr by hearre, kinne rûsd wurde op likernêch
1.000,Dy kosten kinne dutsen wurde út'e post "reservearring
bysûnder ûnderwiis" (folchnûmer 421.18), dy't datoangeande de nedige
finânsjele romte jout.
Omdat de oanfraach foldocht oan de "normale easken", stelle wy jimme
ried út om de meiwurking, dy't frege wurdt te ferlienen. It ûntwerp-
riedsbeslút dat oangeande leit by de riedsstikken op besjen.
Boargemaster en wethêlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0058V
