- 2 -
Fanút de rekreaasje binne der beswieren tsjin de brêge oer de
Rjochte Grou.
Dy minsken moatte betinke dat alle belangen, dy fan de
rekreaasje mar ek dy fan it bedriuwslibben, telle.
Syn fraksje is bliid dat der wurk mei wurk makke wurde kin.
Hy ferwachtet dat it plan finansjeel sjoen, gjin swierrichheden
opsmite sil, alhoewol't de ried noch mar in bytsje ynformaasje
krigen hat. Hy hopet dat de provinsje ek mei jild oer de brêge
komme sil.
Al mei al is hy der wol fan oertsjûge, dat dizze fûgel net oer't
net fleane moat.
De hear SBouma is tige ynnommen mei de útstellen, fral as der
wurk mei wurk makke wurde kin, soe dat hiel moai wêze. Omt ek
persoanlike belangen meispylje moat der foar eltsenien de
mooglikheid bestean yn te sprekken. Foar besteande bedriuwen
moatte der gjin behinderingen makke wurde.
Hy tinkt dat de minirotonde miskien nochris op'e nij oertocht
wurde moat. Hy soe neat leaver sjen dan dat dit plan finansjeel
helber wêze soe, it moat perfoarst gjin bongel oan'e foet fan'e
gemeente wurde. Omt no noch net krekt bekind is wêr't de sinten
weikomme, wol hy graach nei ferrin fan tiid, as dat wol sa is,
op'e hichte brocht wurde.
De hear Volberda is tige bliid mei dizze ûntjouwing omt dêrtroch
in protte problemen oplost wurde kinne. De wurkgelegenheid is
bygelyks wol oan in flinke oppepper ta. As de eksploitaasje sa
geunstich is as dy no liket, bliuwt der miskien seis noch wol
wat oer.
Wethâlder Breeuwsma wurdearret it tige dat alle fraksjes sa
loovjend binne oer it útstel. Ek dat it amtlik apparaat dêryn
behelle wurdt, is hy tige wiis mei.
Der wurdt yn dit útstel frege om in tariedingsbeslút te nimmen
en om in kredyt beskikber te stellen foar de planûntwikkeling.
It is no de tiid om oan'e slach te gean want as wy dizze
mooglikheid foarby gien litte, sille we dêr letter spyt fan
krije.
It is, tinkt hy, hiel ferantwurde dit jild hjirfoar te brûken
omt der yn elts gefal wat yn Grou barre moat omt dêr gjin
yndustryterrein mear is.
Alhoewol't hy wol ynsjocht dat der fraachtekens binne by de
finansjele helberheid, tinkt hy dochs dat it hiel wol
ferantwurde is dit plan út te fieren.
Vervolgens wordt zonder hoofdelijke stemming conform de voorstellen
1 en 2 besloten.
0067V 83