GEMEENTE BOARNSTERHIM
12. Utstel om de beslútfoarming oer it
gemeentlik oparbeidzjen yn'e regio
yn oerienstimming te bringen mei
de geast fan de, troch it mini-
stearje fan F.R.O.M. yn it libben
roppen, bydrageregeling útfiering
gemeentlik miljeubelied.
Oan de gemeenterie.
Grou, 1 septimber 1989.
Op 1 jannewaris 1990 sil nei alle gedachten it Bydragebeslút
útfiering gemeentlik miljeubelied fan krêft wurde. Op grûn fan dat
beslút kinne de gemeenten oanspraak meitsje op in bydrage fan it
Ministearje fan F.R.O.M. - it saneamde "Berenschotjild" - foar it
ütfieren fan gemeentlike opjeften op it mêd fan Hinderwet. Wet
gemyske ôffalstoffen. Wet boaiembeskerming en de gemeentlike
útwetteringsoardering. It "Berenschotjild" is ornearre foar de
finansiering fan'e personiele kapasiteit fan gemeenten. Dy moat
mei dêrtroch - yn 1995 op de fereaske sterkte wêze en de
yntergemeentlike gearwurking moat dan goed funksjonearje. As dat
berikt is, wurdt it jild oerhevele nei it gemeentefûns
Foar dy regeling komme yn'e beneaming:
a. gemeenten mei 70.000 ynwenners of mear;
b. gemeenten, dy't struktureel oparbeidzje mei oare gemeenten, as
it tal ynwenners meiinoar 70.000 of mear is;
c. gemeeenten dy't oparbeidzje mei oare gemeenten mar net struktu
reel, mar neffens bliken docht út'e riedsbeslúten fan alle
gemeenten dy't dêroan meidogge, dat wol fan doel binne en yn
reedlikheid ferwachte wurde kin dat soks binnen trije jier ek
wêze sil.
No is ús gemeente wol mei yn'e kompe by de regio Noard Fryslân, mar
foldocht dêrmei noch net oan it stelde ûnder a, b of c.
Wat wy hawwe is in lichte foarm fan gearwurkjen, dy't yn prinsipe
wol foldocht oan'e rânebetingsten fan'e bydrageregeling. Dochs binne
wy noch net dêr't wy wêze moatte. Net alle gemeenten hawwe
nammentlik okkerdeis it utstel fan'e regio oernommen. Boarnsterhim
ek net.
Dêrtroch is in sitewaasje ûntstien dêr't net fan sein wurde kin dat
der gearwurke wurdt sa't de bydrageregeling dat bedoelt.
Om as regio Noard Fryslên foar in part fan it "Berenschotjild" yn
oanmerking te kommen moatte de riedsbeslúten fan alle gemeenten
wizige wurde. De redaksje fan it riedsbeslút soe neffens de regio sa
wêze moatte:
"In het kader van de intergemeentelijke samenwerking op milieugebied
aan de Milieu-adviesdienst als taken op te dragen: het adviseren en
begeleiden van de gemeenten van de regio Noord Friesland op het
milieugebied in het bijzonder gericht op de Hinderwet, Wet chemische
afvalstoffen. Lozingsverordening en de Wet bodembescherming".
Dat beslút moat dan 1 jannewaris 1990 fan krêft wurde.
0067V 59