- 11 -
De kommende 2 jier sille alle gemeenten, it belied is dêr op
rjochte, oergean ta it ynsammeljen fan g.ft.-ôffal
Yn ús gemeente wurket de befolking hiel posityf mei.
De minsken binne hiel motivearre en der moat besocht wurde dat
ek sa te halden.
It freget hiel wat ynset fan de boargers om op ferskillende
dagen dan it iene en dan it oare oan de dyk te setten.
Der moat besjoen wurde oft it systeem wol goed wurket en oft it
miskien ek better kin troch it sa ienfâldich mooglik foar de
boargers te meitsjen.
Der is noch wat tiid om ien en oar út te sykjen omt pas yn
april begûn wurdt mei it ynsammeljen fan g.ft-ôffal
Dêr moat ek by belutsen wurde oft it bûtengebiet miedwaan moat
as net en ek is der in probleem mei wenten mei twa as trije
wenlagen.
De hiele nije regeling freget nochal wat foarljochting. Dêrom
is der sa'n heech bedrach yn'e begrutting opnommen.
It is ek hiel terjochte omt bliken dien hat dat as der in pear
wiken wat sleau mei omgien is troch bygelyks neat yn'e
Mid-Frieslander op te nimmen, dat fuortendaliks te merken is.
Minsken moatte ek goed witte hoe't se mei in minikontainer
omgean moatte. It optimale risseltaat stiet as fait mei in
goede foarljochting.
Se kin har wol yntinke dat guon minsken harren wat pakt fiele
omt se earder in kompostbak kocht hawwe en no aanst ek op in
oare wize dat ôffal kwyt kinne. Oan'e oare kant is it ek sa dat
it produkt fan'e kompostbak, in goede soart kompost, ek wol wat
wurdich is.
It is net mooglik om yn'e heffing in soart koarting foar
minsken mei in kompostbak op te nimmen. It kolleezje hat noch
wol neitocht oer de mooglikheid dy minsken in bedrach werom te
beteljen. Der is dochs besletten dat net te dwaan omt net mear
te achterheijen is wa't allegear in kompostbak oanskaft hawwe
of wa't miskien wol seis ien makke hawwe.
De hear S. Bouma seit dat der ek in priiskaartsje hinget oan
hokker kontainer oanskaft wurde sil. No't dat noch net bekind
is, fynt hy dat der sprake is fan in iepeneinregeling, ek al
omt sein is dat it kredyt miskien ek noch bysteld wurde moat.
Wethâlder Faber seit dat it net safolle útmakket oft der in
biocon as minikontainers oanskaft wurde.
Wat wol útmakket is it tal tonnen ôffal. De biocon hat it
foardiel dat it ôffal yntinnet en dêrtroch hoege der minder
tonnen ôffal ferwurke te wurden. Der is yn'e simmer fan 1988 in
proef mei dien en de risseltaten wiene hiel posityf. Fanút
proeven yn dizze waarme simmer docht bliken dat yn somlike
gefallen de ûnderfiningen minder oangenaam wiene trochdat der
nochal wat stankoerlêst wie. Der wurdt op dit stuit noch by
oare gemeenten nei harren ûnderfining frege. As ek dy negatyf
binne, soe it hiel ûnferstannich wêze op de ynsleine wei
fierder te gean.
In oare oanskaf kin finansjeel wol gefolgen hawwe trochdat it
opheljen mear manoeren freget as no rekken mei hâlden wurdt.
Mocht it sa wêze dat it finansjeel net run te breidzjen is, dan
komt der in nij útstel nei de Rie. Se hopet lykwols en giet der
fanút dat it foar it budzjet wat no fêststeld wurdt, te dwaan
is.
0071V 27