GEMEENTE BOARNSTERHIM
20. Utstel om it learmiddelbudzjet
foar de iepenbiere basisskoallen
te ferheegjen.
Aan de ried.
Grou, 8 desimber 1989.
Mei't de Wet op it Basisûnderwiis op 1 augustus 1985 útein set is,
is ek it underskied tusken beukers en legere skoalle learlingen, wat
de hichte fan it learmiddelbudzjet oangiet, ferfallen. As nije basis
waard nommen it bedrach de learling foar it leger ûnderwiis. Nei
oerlis mei de direksjes fan iepenbiere basisskoallen is úteinlik
besluten om it learmiddelbudzjet te basearjen op in fêst bedrach de
skoalle fan 2.000,en in bedrach de learling fan 94,94.
Dêrmei waard lykwols noch net oansluten by de ryksfergoeding foar it
ûnderwiislearpakket. Dat is dien, om't der begjin 1986 noch net
foldwaande sicht op wie, hoe't it nije fergoedingsstelsel yn'e
praktyk útpakke soe.
Utgongspunt fan it Londobekostigingsstelsel is in sober nivo fan
ûnderwiisfoarsjennings. As de gemeente fan miening is, dat de ryks
fergoeding net foldwaande is, stiet it frij om ekstra jild foar it
underwiis út te lûken. Op grûn fan de Grûnwet en de Wet op it
Basisûnderwiis moatte ekstra útjeften boppe de ryksfergoeding
lykwols trochbetelle wurde oan it bysûnder underwiis, de saneamde
oerskrijdingsregeling yn it ramt fan de finansjele en materiële
lykstelling. Mei om dy reden is der foar keazen om safolle mooglik
op de ryksnoarmearing en -fergoeding sitten te gean.
De oerskrijdingsregeling (kêst 102 WBU) beslacht yn totaal 19
program's fan easken, dêr't it underwiislearpakket ien fan is. In
oantal program's fan easken, sa as kosten fan skoalhimmeljen,
ûnderhâld en enerzjy koene net fan de iene op de oare dei oanpast
wurdt op it nivo fan de ryksfergoeding.
Om de totale kosten (materiële ynstânhâlding) dochs safolle mooglik
binne de totale ryksfergoeding te hâlden, is keazen foar in fasearre
ynfiering op alle ünderdielen fan it bekostigingsstelsel materiële
ynstânhâlding op it nivo fan de ryksfergoeding. Op guon ünderdielen
kin dat net oars, mar foar oare ünderdielen is bewust keazen om net
fuortdaliks op de Londo-noarm sitten te gean. Benammen foar it
underwiislearpakket, hie dat ta gefolch dat der minder útjûn is as
dat de gemeente ûntfongen hat fan it Ryk foar dat program fan easken.
Dat it learmiddelbudzjet dêr't de iepenbiere basisskoallen oer
beskikke kinne, oan'e krappe kant is, dêr binne wy ús fan bewust,
mei om't de ryksfergoeding basearre is op it niisneamde "sobere
nivo". Sjoen de maatregels dy't de leste jierren nommen binne om de
oerskrijdings op oare ünderdielen te beheinen, wurdt it dan no ek
tiid om it learmiddelbudzjet te ferheegjen.
Dat kin mei yngong fan 1990 sûnder dat soks konsekwinsjes hat nei it
bysûnder underwiis.
0073V
