-9-
Se wol graach dat by de weroerwaging de begrutting fan'e
stichting Aldereinwurk wer op'e tafel komt sadat der dan miskien
in útstel komme kin om mear oan it âldereinbelied te dwaan.
Frou S» Ziilstra fynt it lokkich dat de leste jierren it
âldereinbelied sa fan'e grûn kaam is. It is dêrom ek tige
spitich dat ofrune maitiid bliken die dat de jilden net mear
tarikkend wiene. Der is doe besletten by de weroerwaging alles
op'e nij te besjen.
De stichting is mei faasje útein set en lit in dúdlike fysje
sjen en dêrom is it wol spitich dat it sa rinne moat.
Mei it each op it grutte tal âlderen is it wol fan belang dat
der in protte ûntwikkelingen geande binne. Sy neamt it
wentemerkûndersyk omt der in grut ferlet is fan wenten foar
âlderen. Se wiist der mei klam op dat der al yn in ier stadium
oerlis komme moatte soe mei de Stichting Aldereinwurk.
Yn Leppehiem moatte 15 beden ynlevere wurde en dat jout in
grutte druk op'e thússoarch. Dan binne der noch de alarmearring-,
de waarm-iten-foarsjenning en de wykfunksje fan it
âldereintehûsAl dizze ûntjouwings jouwe har fraksje it besef
dat it aldereinwurk by de weroerwaging in grutte prioriteit
hawwe moat en it is foar harren de fraach oft it earder ynsetten
jild op den doer wol genôch wêze sil foar dit wurk. Se hopet dat
it ûntwikkeljen fan'e fysje aldereinwurk yn'e jierren '90 yn
goede gearwurking fan gemeente en de stichting Aldereinwurk
barre sil.
De hear Dotincra fynt dat it êldereinbelied by de weroriëntaasje
wer oan'e oarder komme moat.
De hear Van der Baan fynt it net ferantwurde dat der foar de
kommende tiid neat as frijwol neat dien wurde kin op it mêd fan
it flankearjend êldereinbelied.
It gehiel fan'e oanfragen fan'e Stichting Aldereinwurk fynt hy
goed ûnderboud.
It kolleezje hat de arguminten ynhêldlik net werlein en de
oerwaging hat allinne in finansjele ynfalshoeke.
Fan't maitiid is tasein dat de saak by de begrutting foar 1990
op'e nij wer besjoen wurde soe, en mei dy tasizzing is syn
fraksje doe akkoart gien. Mar dat bard dus no net. It kolleezje
set troch, mar der moat net fergetten wurde dat der klearbere
earmoede is op tal fan fronten en by in part fan'e êlderein
seis. In êlderein, dêr't we in protte oan te tank jen hawwe
benammen yn'e nei-oarlochske tiid.
Yn ús rike lên en yn ús gemeente moatte wy net de hêlding
oannimme dat earmoede in needlot is.
Earmoede is ûnrjocht en streekrjocht in gefolch fan in
ekonomyske kar. De earderneamde lûden sille opfongen wurde
moatte en it belied sil der op êfstimd wurde moatte. Dat moat as
heechste prioriteit steld wurde. Der is wiswier wol romte yn'e
begrutting om de útgongspunten foar it êldereinbelied sa't dy
earder troch de rie útsprutsen binne, finansjeel te honorearjen.
0075V 17