-10-
Om dy reden giet hy derfoar yn'e pleit de oarspronklike
oanfragen hielendal te honorearjen om dêrmei de wurklikheid fan
de need ûnder de alderein net te ûntkennen. De illusje dat
eltsenien dy't yn Boarnsterhim it goed hat en de gedachte dat de
âlderein it goed genôch hat moatte ûntmaskere wurde.
De gedachte dat ús gemeente finansjeel der net sa best foarstiet
is tsjinoer dy need net fol te hâlden en dat der dêrom gjin jild
foar de alderein beskikber komt is foar syn fraksje net
akseptabel.
Wethâlder Bloem is it net mei de hear Van der Baan iens dat út
it útstel minachting foar de sitewaasje fan alderen sprekt.
Yn it útstel komt in fierdere útwurking fan saken dy't earder
oanjûn binne, oan'e oarder. Yn novimber is by de behanneling
fan'e begrutting besletten dat in tal saken, wêrûnder it
aldereinwurk, op'e nij besjoen wurde sil yn it ramt fan de
weroerwaging. Se fynt it dan ek gjin pas jaan dat de hear Van
der Baan sa'n miening nei foaren bringt.
By de beoardieling fan'e begrutting fan'e Stichting Aldereinwurk
wie it kolleezje beheind ta de romte dy't der op dit momint yn'e
gemeentebegrutting is.
It kolleezje fynt dat de stichting safolle mooglik kontinuïteit
garandearre wurde moat. It wentemerkûndersyk is tige wichtich
fral mei it each op de alderein.
Se kin mei frou Zijlstra iens wêze dat it in hiel goede saak is
om tusken no en de weroerwaging goed nei té tinken oer de
ûntjouwingen op it mêd fan it aldereinwurk. Mooglik moatte
bygelyks de opmerkingen oer de alarmearring wersjoen wurde.
Se nimt oan dat de rie it iens is mei it subsidiearjen fan'e
Stichting Wolwêzen Alderein Menameradiel
Ek foar it kolleezje hat it in drege saak west om de oanfragen
op dizze wize te beoardieljen.
De sinjalen fanút de rie binne foar it kolleezje dúdlik genôch
om by de weroerwaging hiel serieus te sjen nei hoe't de
ferantwurdlikens foar de alderein wier makke wurde kin.
Frou S_jZiilstra wol útstelle it proseduerefoarstel sa't dat yn
it brief fan de Stichting Aldereinwurk stiet te stypjen.
Frou Watzerna is it der mei iens.
De hear Van der Baan seit dat as in politike party in bepaald
stânpunt nei foaren bringt dat net ynhâldt dat in oar stânpunt
minachte of leechachte wurdt. Elkenien is frij yn syn of har kar
en yn in demokrasy mei ek elkenien syn miening nei foaren bringe.
De hear Bethlehem freget oft it wentemerkûndersyk ek echt yn
gearwurking mei de stichting Aldereinwurk en de wentebouferiening
hâlden wurde sil.
Wethâlder Bloem seit dat se bedoeld hat te sizzen dat de hear
Van der Baan achter it útstel fan it kolleezje allegear
gedachten en mieningen sjocht oer alderen dy't der seker by it
kolleezje net binne en der ek net west hawwe.
0075V