-12-
23Voorstelinzake samenvoeging van de scholengemeenschap "Mid-
Frvslân" te Akkrum en de Carel van Roordaschool te Gron.
Frou AjZiilstra sprekt wurdearring út foar de gong fan saken by
it gearfoegjen fan'e beide skoallen. Nei't der jierren tsjinoan
skytskoarre is is no yn in koart skoftke tiid yn in goed oerlis
de basis lein foar ien grutte skoallemienskip yn ús gemeente.
Dit is allinne noch mar de basis, it moat noch fierder útwurke
wurde. Se freget it kolleezje oft de stjoergroep fierder giet of
dat der wat oars foar yn't plak komt.
Se is bliid dat der op twa lokaasjes les jün wurde kin. Dat is
tige wichtich foar in plattelênsgemeente sa as Boarnsterhim. It
is moai meinommen dat we ek klear binne foar de basisfoarming
sa't dy der oan te kommen stiet.
Akkrum en Grou, twa plakken skieden troch grutte wegen en
farwetters. Der is hast gjin iepenbier ferfier tusken beide
doarpen. Dêrtroch is it, ek foar de omkriten fan beide doarpen,
needsaaklik dat it underwiis sa ticht mooglik nei de berh
tabrocht wurdt. Ferlikings mei in stêd binne net te lûken. Se
hat it idee, dat dat ek ta it regear trochkringet. Wolle we ús
skoallen op it plattelân hélde dan bliuwt it saak dêr hyltiten
wer op te wizen. It soe dêrom goed wêze kinne dat it kolleezje
ris neigiet hokker plannen oare skoallen op it plattelân hawwe.
Dan kin der mooglik meielkoar in fûst makke wurde sadat dúdlik
wurdt dat in doarp gjin stêd is en dat in doarp ek net oan
stêdse noarmen foldwaan kin.
Se freget it kolleezje prikken yn it wurk te stellen foar oerlis
mei oaren yn'e provinsje. Ek it provinsjaal bestjoer sil der
grif oan meiwurkje wolle.
Se hopet dat de faas je dy't der no ynsit trochset wurde sil
sadat yn augustus 1990 de brede skoallemienskip útein sette kin.
Frou Watzema seit dat regearen foarútsjen is en dit útstel is
der in goed foarbyld fan. As we yn ús kontreien de garânsje
hawwe wolle fan goed fuortset underwiis dan moat der wat barre.
Foar ús leit in fúsjeplan dat de leste tiid yn goede harmony mei
it ferstân foarop, ta stân kommen is.
Foaral wichtich is it dat der les jün wurde kin op twa lokaasjes.
Se hopet dat dat ek in wichtich punt bliuwe sil. Se hopet dat as
it safier is we útein sette kinne mei in sterke skoallemienskip
foar it fuortset underwiis yn ús gemeente.
De hear Dotinaa hat alle wurdearring foar in fúsjeplan. Der is
yn koarte tiid in protte ta stân kommen. It is in moai gehiel
wurden en hy winsket de behearskommisje dêrmei lok. Hy hopet ek
dat de beide brêgeklassen yn sawol Grou as Akkrum bestean bliuwe
kinne
De hear Van der Baan seit dat syn fraksje it belang fan goede
ûnderwiisfoarsjennings op it plattelân ûnderskriuwt. Yn dizze
fysje sil de posysje fan it fuortset ûnderwiis yn ús gemeente
fuortsterkje kinne. Benammen ek omt de mooglikheden fan in
learling om in kar te meitsje út it takenpakket tannimme. Hy
freget benammen oandacht foar de posysje fan it frysk dêryn.
0075V