-10-
Hy stelt út ek de brêge oer de Jirnsumersyl oer te nimmen, sadat
der aanst de mooglikheid ûntstiet dy brêge te ferheegjen.
Dêrtroch kin der in goede ferbining makke wurde tusken Reduzum
en Grou. It slút boppedat oan by it útbaggerjen fan it Swin en
by de oanlis en it ferbetterjen fan it haventsje yn Reduzum.
Pleatslik Belang Jirnsum soe dêr net ofwiizend tsjinoer stean.
Sa kinne we dochs noch wat winst hel je út in min of te mear
twongen oername.
Hy freget him of wêr't skeaklaims ynstjinne wurde kinne. It soe
normaal wêze as dat by de oannimmer wêze soe. Is der ek sprake
fan in boarchsom foar de oannimmer om yn hâlders hân te wezen?
It hat him fernuvere dat de brêge út'e J.W. de Visserwei
ferkocht is wylst earder, doe't hy de suggestje die de brêge nei
Terherne oer te bringen, sein is dat de brêge ryp foar de sloop
is. Soe de brêge yn Lijmuiden dêr't er hinne is dan net yn
elkoar falie en yn Terherne wol. Ek soe hy wol witte wolle wat
de brêge eins opbrocht hat..
De hear Volhard» fernuvert him der oer dat der no oer falie*
wurdt dat der aanst grutte sântransporten troch de Rjochte Grou
moatte.
Hy kin wol achter it útstel fan it kolleezje stean. Wat de
oernamme fan it wetter oanbelanget kin hy him wol in moaier kado
fan'e provinsje yntinke. Hy is der net foar om ek de brêge yn'e
Jirnsumersyl oer te nimmen.
Wethâlder Sraauwgm» seit dat net it wetter foar de jeugdherberch
lâns oernommen wurde sil. It giet om it gedeelte fanêf de J.W.
de Visserwei oant de rykswei. As de gemeente it wetter oernimt
sil de gemeente ek de nedige foarskriften jaan foar dy skippen
dy't gebrûk meitsje fan it wetter. Dat betsjut bygelyks dat de
oannimmer der mar mei ien skip tagelyk komme mei. Hy tinkt dat
it in goede saak is dat de gemeente it wetter oernimt omt de
gemeente al in soad besluten nommen hat om bygelyks stegers te
slaan yn wetter dat eigendom fan'e provinsje is. Mei de oername
wurdt dat rjochtlutsen.
Fan it oare stik hat de gemeente net sa'n ferlet. Hy kin him
lykwols wol yntinke dat de provinsje fanút in sterke
ûnderhannelingsposysje dat stik bynt oan it earste stik. It
kolleezje tinkt dat nettsjinsteande dat der gjin ferlet fan dat
stik wetter is it dochs noch wolris posityf útwurkje kin. Hy
tinkt dan oan it fernijen fan it kontrakt yn 1992 mei de F.B.C.
De gemeente hat dan seis it eigendom en hat dan oer dat kontrakt
folie mear te sizzen.
Hy tinkt dat de doarpsfernijingskommisje yn Jirnsum miskien yn'e
takomst nochris neitinke kin oer de Jirnsumersylbrêge.
De brêge is lykwols yn eigendom, ûnderhâld en behear by de
provinsje.
Hy is yn elts gefal bliid dat de hear Van der Baan no ek
meitinken giet oer wat der nei it nommen beslút fan'e rie barre
moat.
De hear Van der Baan wiist derop dat de Jirnsumersylbrêge al
jierren by de gemeente yn ûnderhâld is. Hy wol graach witte
werom de wethâlder oername fan'e brêge op dit stuit net sa
wichtich fynt.
0076V