-10-
Voorstel met betrekkina tot de bouwaanvraaa c.q. verzoek om
vrijstelling van Kooiker B.V. voor het uitbreiden van het
bedrijf aan de Stationsweg te Grou.
De voorzitter selt voor de brief van de fa. Kooiker van 15
februari 1990 bij de discussie te betrekken.
De hear Nieuwdam hopet dat jûn nei der al oardel jier mei
dwaande west te hawwen, de léste fase ôfrûne wurde kin. Der leit
no in útstel fan 7 bledsiden en dat jout wol oan dat it gjin
geringe saak is.
It giet hjir net om in ienfaldige boufergunning. Der spylje in
tal eleminten mei as miljeu, lûdsoerlêst, wengenot en
bedriuwsuntwikkeling. Yn maaie 1989 hat de rie ek al sprutsen
oer de boufergunning.
Syn fraksje hat doe in posityf lûd hearre litten ten oansjen fan
de fa. Kooiker.
It kolleezje komt no mei in útstel in boufergunning te ferlienen
mei in 6-tal betingsten. Mei de earste 5 betingsten kin syn
fraksje akkoart gean. By punt 6 hat hy de folgjende opmerkings.
Dêr't de fa. Kooiker de loads bouwe wol is fêststeld dat dér
fersmoarge grûn ûnder sit. Net de fa. Kooiker is de fersmoarger
mat it izerfabryk dat dér eartiids stie. Dus kin de fa. Kooiker
ek net oanspraaklik steld wurde. Hy tinkt ek net dat it
kolleezje dat seit mar sjoen punt 6 liket it derop dat men ien
en oar besiket te kombinearjen.
Hy seit dér yn prinsipjele sin problemen mei te hawwen. As der
fersmoarging konstatearre is en as de hjoeddeistige eigener der
neat mei te krijen hat dan moat de oerheid de smoarge grûn
opromje. Hy begrypt wol dat dit stik je grûn noch lang net oan
bar is yn'e planning mar no't dizze boufergunning oanfrege wurdt
feroaret dat de saak.
Hy docht derom it útstel punt 6 net ta te heakjen oan de
betingsten by de boufergunning. Kooiker moat yn'e gelegenheid
wêze op skjinne grûn te bouwen. De fa. Kooiker sil dan ek net
bouwe as der in betingst opnommen wurdt dat sy seis de
fersmoarge grûn fuorthelje moatte. Yn in normale sitewaasje soe
dat allinne mar spitich wêze as Kooiker net bouwe sil. Yn dit
gefal giet it net allinne om it bouwen fan'e loads op himsels
mar is der sjoen fanút it eachpunt fan algemien belang folie
mear anneks mei dizze boufergunning, nammentlik de ynrjochting
fan'e wenomjouwing en de fermindering fan'e lûds- en
miljeuoerlêst.
Syn fraksje fynt it tige wichtich dat der op koarte termyn in
loads komt dy't dat stik Stasjonwei definityf ôfslút wêrtroch it
foar de bewenners gans oantrekliker is dêr te wenjen ek sjoen de
stankoerlêst dy't der no is.
De hear SBouma seit dat de fa. Kooiker en de bewenners akkoart
gean kinne mei it útstel útsein dat Kooiker net akkoart gean kin
mei betingst 6.
0076V