-11-
Syn fraksje is lykas dy fan'e P.v.d.A. fan miening dat de
gemeente der foar soargje moat dat Kooiker op skjinne grûn bouwe
moatte kin en sy stipet dêrom it útstel fan de hear Nieuwdam.
De hear Volberda seit dat syn fraksje ek achter dat útstel stean
kin.
Der sil no noch in wei fûn wurde moatte om de ekstra kosten foar
de gemeente te dekken.
De hear Van der Baan fynt it in deeglik en goed ôfwugen útstel.
Hy kin net goed besjen hoe't alles krekt ynelkoar stekt wat
betingst nûmer 6 oanbelanget. Foar de rest giet hy akkoart mei
it útstel.
Wethâlder Breeuwsma seit dat it yndied sa is dat de grûn net
troch de fa. Kooiker fersmoarge is. Yn ús gemeente binne der
noch folie mear fan dit soarte plakken. De gedachte fan it
kolleezje is dat, sjoen it feit dat de grûn eartiids troch in
oar fersmoarge is, de transport- en stoartkosten fan'e
fersmoarge grûn en dat is om en de by 21.000,foar rekken
fan'e gemeente komme sil. It ûntgraven en wer oanfoljen mei sân
soe dan troch de fa. Kooiker dien wurde moatte. Dat kostet da
likernôch 4 as 5 tûzen gûne. De fa. Kooiker is net ree dat te
dwaan. It is him dúdlik wurden dat de rie ek wol dat de gemeente
alles betellet. Hy freget him dan of wer't de dekking weikomme
moat.
Mar as de rie sa ienriedich is wol hy wol tasizze dat der
nochris nei sjoen wurde sil as betingst 6 ek ferfalle kin en oft
der dekking fûn wurde kin foar de 5.000,dy't nedich is foar
ûntgraven en wer oanfoljen mei sân.
De hear Nieuwdam is der bliid mei dat de gemeente de transport
en stoartkosten betel je wol. De gemeente seit dat de grûn
útgroeven wurde moat foardat der boud wurde kin en Kooiker wol
net seis it útgraven fan'e grûn betel je omt if neffens him net
nedich is dat de grûn útgroeven wurdt om te bouwen en dêr sit no
krekt de patstelling dêr't it eins om giet.
Hy fynt dat de gemeente dan mar de wiiste party wêze moat ek yn
it belang fan it miljeu. Komme we oer de hun dan komme we ek oer
de sturt.
De hear SBouma fynt dat de útkomst fan it rapport it
útgongspunt wêze moat en dat de gemeente dus soarget dat de
smoarge grûn opromme wurdt.
De hear Volberda freget oft der by foarige eigeners ek noch wat
te heljen is.
De hear Van der Baan fynt dat de gemeente mar wat soepeler wêze
moat en betelje alle kosten.
Wethêlder Breeuwsma seit dat der neat te heljen is by foarige
eigeners omt dy eins net iens bekind binne.
0076V