- 15 -
It ynisjatyf om te kommen ta it omlizzen fan'e Boorn skynt fan
de Wettersportferiening te kommen met stipe fan de Vereniging
voor Handel, Nijverheid en Dienstverlening. Der is in brief
ynkommen, mei it fersyk dat de gemeente de saak wol op tiid
oanpakt. Der moat in koartsluting kommen mei de oare plannen
sadat it ek yn it bestimmingsplan opnommen wurde kin.
Hy freget hoe't it kolleezje der tsjinoer stiet en hoefier de
plannen wat dat oanbelanget binne.
Op'e ynspraakjûn waard ta gerêststelling fan'e bewenners fan'e
Sitadel in foar harren geunstige ûntwikkeling meidield. Dat
hâlde wol yn dat der foar oare ynwenners wer in probleem kaam.
Hy fynt dat ek foar dy minsken der in goede gelegenheid ta
ynspraak komme moat. Der sil benammen mei de famylje Bakker
praten wurde moatte en ek mei de bewenners fan Akkrum-east. Hy
wol graach witte yn hoefiere dat al oppakt is.
De hear Volberda hat deselde fraach als de heer Bouma.
Hy hat heard dat it akoestysk ûndersyk hjir gjin rol spilet omt
der eins te min ferkear op dizze dyk is. Klopt dat?
De hear Van der Baan hat deselde fragen as de hear Bouma.
Hy fynt dat mei de omlizzing fan'e Boorn net wachte wurde moat
op it bestimmingsplan. Der moat no al kontakt mei Rykswetter-
steat opnommen wurde om te besjen hokker oplossing men der
sjocht, om de omlizzing te realisearjen. Mooglik kinne we út
provinsjale fûnsen jild krije, it giet op't list om in boppe-ge-
meentlik belang.
Wethâlder Breeuwsma seit dat it kolleezje yndied faak tsjin'e
finansjele grinzen oanrûn is. Dy moasten faak trochbrutsen wurde
en dat is ek mei goede arguminten ferskate kearen slagge.
Om it frachtferkear te kearen sil de tunnel net heger wurde as
3,,5 meter. Der kin in bus krekt ûndertroch en in frachtauto net.
Bedriuwen yn'e buert sille wol fan'e tunnel gebruk meitsje
moatte kinne. Hoe't dat útwurke wurde moat is op dit stuit noch,
net oan'e oarder.
Der is troch guon sprekkers steld dat it hiel moai wêze soe as
de omlizzing fan'e Boorn fanôf it akwadukt nei de Nessersylroede
ta realisearre wurde koe. It duorret noch in tal jierren foar't
it safier is en yn tuskentiid moat der hurd oan wurke wurde. It
giet lykwols om in protte jild. Der binne wat yndikaasjes wat it
kostje moat. Yn elts gefal sil der in foarse subsydzje by moatte
en sille we ek seis wer in part betelje moatte.
Wat de ludsoerlêst oanbelanget giet it om in hiel technysk
ferhaal. As yn dit gefal in hegere wearde oanfrege wurdt, sil dy
ek ferliend wurde. It is hiel wichtich dat de dyk asfaltearre
wurdt omt dêrtroch de lûdshinder minder wurdt. Mei oare wurden,
it ferkear sil ôfnimme en de dyk wurdt asfaltearre en dêrtroch
sil der in ûntheffing ôfjûn wurde.
0086V