*&k
GEMEENTE BOARNSTERHIM
20. Utstel oangeande de beneaming fan
in direkteur fan de nije iepenbiere
skoallemienskip foar fuortset ûn-
derwiis
Oan de gemeenteried.
Grou, 30 maart 1990.
No't de steatssiktaris fan ûnderwiis en wittenskippen by beslút fan
20 maart 1990, nûmer VO/VH/PV-90009158 (A75-739) syn goedkarring jûn
hat oan it riedsbeslút fan 19 desimber 1989, nûmer 23 oangeande de
fúzje tusken de iepenbiere skoallemienskip foar mafû/lbû te Akkrum
(s.m. "Mid-Fryslân") en de iepenbiere mafû-skoalle te Grou (Carel
van Roordaschool) moat foarsjoen wurde yn de direksje fan de nije
iepenbiere skoallemienskip, dy't mei yngong fan 1 augustus 1990
offisjeel útein sette sil.
By riedsbeslút fan 2 jannewaris 1984, nûmer 11 is fêstlein, dat it
beneamen, en it ûntslaan fan de direkteuren fan de iepenbiere
skoallen foar fuortset ûnderwiis ta it foech fan jimme ried heart.
Op grûn fan de saneamde fúzjesirkulêre fan 30 augustus 1985, nûmer
DI/AB 85-30 komme de direkteuren fan de skoallen, dy't fusearje, as
direkteur fan de nije skoalle yn'e beneaming. Behalven ien direkteur
(ienhaldige lieding) is it ek mooglik twa direkteuren te beneamen yn
in twahadige lieding.
De stjoergroep, dy't ûnder foarsittersskip fan de wethâlder fan
ûnderwiis, de fúzje tusken beide skoalle taret hat, hat yn syn
gearkomste fan 23 febrewaris 1990, mei achtslaan fan de mieningen
fan de belutsen meisizzenskipsrieden, it personiel fan de beide
skoallen en de besteande behearskommisje him bugd oer in ienhadige
of twahadige lieding en besletten de mieningen fan neamde ynstânsjes
oan ús foar te lizzen. Wy ferwize jimme nei de stikken, dy't op
besjerr lizze.
Wy binne mei de mearderheid fan de oanbelangjende ynstânsjes en
persoanen fan betinken, dat de nije skoallemienskip it beste tsjinne
wurdt mei in ienhadige direksjefoarm.
De direkteur fan de Carel van Roordaschool, de hear TjMartens te
Grou, hat him net kadidaat steld foar de funksje fan direkteur fan
de skoallemienskip yn oprjochting, omdat syn arguminten pleitsje
foar in twahadige lieding.
Yn ferbân dêrmei beheint de kandidaatstelling him yn dit gefal ta de
direkteur fan de s.m. "Mid-Fryslân" de hear J. Lok te Akkrum, dy't
him allinne kandidaat steld hat by de kar foar in ienhadige lieding.
De ynspekteur fan it algemien fuortset ûnderwiis te Ljouwert kin him
lykfine mei dizze kandidatuer en hat dat oangeande in posityf advys
útbrocht en dat selde jildt foar de 3e ôfdieling fan jimme ried.
0086V 39