- 5 -
Om dy reden sil har fraksje de twadde kandidaat fan'e P.v.d.A;
net stypje.
Omdat it beleid fan wethâlder Bloem neffens har net besjen lije
kin, komt har fraksjes mei in tsjin-kandidaat yn de persoan fan
de hear Van der Baan.
De hear Breeuwsma seit dat, sjoen de útslach fan de ferkiezings,
der swiere tiden oanbrutsen binne foar sosjalisten en liberalen.
De sosjalisten hawwe in flinke klap krigen. De V.V.D. wurdt hjir
en dêrmar in splinterparty.
Yn ús gemeente hat de V.V.D. him aardich hanthavenje kind omt se
sa op it frysk tsjin binne.
Der is net, sa't de hear Renia sei, al foar de ferkiezings praat
mei syn fraksje en seis binne se net útnoege foar in petear. As
der moat mei bedoeld wurde dat in lid fan'e P.v.d.A.-fraksje al
ris oan him fege hat oft hy wol ûnder deselde omstannichheden
wer beskikber wie foar in wethâlderssit
Hy hat doe sein dat hy dat noch net wist omt hy net wist hokker
omstannichheden op tsjutten waard. De betrouberens is dan soms
wol oan'e oarder.
Hy kin him wol yntinke dat sosjalisten en liberalen yn dizze
beroerde tiden stipe byelkoar sykje.
It C.D.A. giet it lênlik hiel goed. Omt we hjir yn in reade
gemeente sitte hat de P.v.d.A. it hjir foar it sizzen. Hy is der
tige wiis mei dat dy party no net mear de mearderheid hat. Hy is
der trouwens nea foar dat in party de mearderheid hat.
Hy is fan betinken dat it oerlis tusken de partijen iepenbier
wêze moatten hie, sa as ek yn oare gemeenten wol bard is. Hy
fertelt dat syn fraksje troch de P.v.d.A. oproppen is.
Renia en Bouma sieten achter de tafel te diktearjen. As
sekondant siet dêrneist de hear Nieuwdam dy't neat sizze mocht
en alles op- skriuwe moast en frou Bloem moast alles oanhearre.
Der hawwe se syn fraksje diktearre wat der allegear barre moast.
Der moast in miljoen komme en men koe net sizze oft dat der eins
wol wie. Hy bringt yn it omtinken dat it kolleezje de of rune 4
jier sa no en dan nei Deputearre Steaten ta moast omt de
gemeente finansjeel net sa betrouber wie.
Dat fynt hy hiel ferfelend en dêrom hat hy op dy gearkomste ek
frege oft men wol seker wist dat dat miljoen der wol wie, en men
wist it eins net. De P.v.d.A.-fraksje giet, sa is hy fan
betinken,mei kowe-eagen oer it jild. Hy kin him net yntinke dat
de V.V.D.-fraksje sa maklik dêroer hinne stapt.
Dan is der hiel dúdlik sein dat der foar 1 maaie in
kolleez jewurkprogram wêze soe. Letter soe der in
beliedsprogramma komme mei de sifers. Hy konstatearret dat der
neat fan op'e hispel kommen is, der stiet neat op papier. Dêrom
sil syn fraksje him ûnthâlde fan'e stimming.
De hear S. Bouma seit dat syn fraksje der tige grutsk op is dat
de V.V.D. tegearre mei de P.v.d.A. it nije kolleezje foarmje sil.
In kolleezje dat de stipe hat fan in grut part fan'e rie. De
kolleezje-útstellen sille útwize moatte yn hoefiere it de stipe
krijt fan'e hiele rie.
As hy it konsept-kolleezje wurkplan besjocht dan tinkt hy dat de
kommende riedsperioade dy saken oanpakt wurde sille dy't foar
Boarnsterhim fan belang binne. Benammen op it mêd fan'e eigen
organisaasje.
0088V 29
