-4-
Mevrouw Van den Be ra zegt dat de heer Bouma eigenlijk een twee
deling in de C.D.A.-fractie schetste.
Het was en bleef echter een oriënterend gesprek met de P.v.d.A.-
fractie waarin cijfers naar voren kwamen waarin haar fractie
zich later niet meer kon vinden.
De hear Van der Baan seit dat troch syn fraksje by it petear mei
de P.v.d.A. sein is dat yn alle gefallen har de yntinsje fan it
stik wol oanspruts. Der binnen lykwols by it kolleezjewurk-
programma ek dúdlik kanttekens steld. Hy wol dy wol efkes neame.
Hy hat begrepen dat it kolleezjewurkprogramma alhiel noch net
fêst stiet. De útwurking fan it programma sil toetst wurde oan'e
finansjele middels.
Hy fynt it spitich en eins is it in misser dat de soarch foar de
handikapten net neamd is.
By it wolwêzenbelied is foar syn fraksje de sealakkommodaasje yn
Grou seker in spearpunt. Hy is der bliid mei dat der oandacht
bestiet foar it minimabelied. Syn fraksje hat yn it petear mei
de P.v.d.A. twa oare kategoriën nei foaren brocht, te witten de
omendeby 600 W.A.O.'ers en de wurkleazen, foar dizze groepen is
de twadieling yn'e maatskippy in feit. Benammen in sosjalistysk
tinte kolleezje sil der in prioriteit lizze moatte.
Oer it frysk is syn fraksje alhiel net tefreden. Wat earst in
aktyf belied wie is no sa njonkelytsen ombûgd ta in taalfolgjend
belied.
As we de taal en it fryske folk oerein hâlde wolle dan sil der
in aktyf belied folge wurde moatte. By it taalfolgjend belied
sjocht hy dat de achterútgong net te kearen fait.
Syn fraksje fynt dat der earder ferlet is fan in opbouwurker dan
fan in jongereinwurkerDy opbouwurker soe dan besjen moatte oft
it nedich is dat der in jongereinwurker komt.
Syn fraksje kiest net foar in atletykbaan. Dat is sa'n lúkse
dy't sjoen de sitewaasje yn ús gemeente net oan'e oarder wêze
kin. De klam moat mesr lizze op'e ûnderkant fan'e maatskippy.
Syn fraksje leit de klam op it meitsjen fan bestimmingsplannen.
It liket him better dat der in totaalstruktuerplan Boarnsterhim
makke wurdt ynstee fan wer in dielplan.
It útfieren fan al nommen besluten is in wichtich punt en dat
moat eins de earste prioriteit hawwe.
Hy fynt it prima dat der oan it ûnderhâld fan'e wegen mear barre
sil
De iennichste oare ristriksje dy't syn fraksje noch makket hat
te krijen mei it behâlden fan'e natuerlike omjouwing. Hy fynt it
tige tsjinstriidich dat it tastien wurdt dat rekreaasjewenten
útwreide wurde meie, fral yn natuergebieten.
0091V 4