-12-
It maatskiplik wurk bygelyks kin holpen wurde. We doarre yn te
sjitten op de oprop fan it ryk oangeande de berne-opfang en der
kinne diken oanpakt wurde. It fait dus net óf.
In pear saken fynt hy net op de list, dêr't hy fan hope hie dat
dy regele wurde koene. Hy doelt dan ynearsten op de âlderein-
soarch. Hy hopet fan herte dat de 50.000,wer op'e begrut-
ting meinomen wurdt.
As twadde in pear net sokke grutte posten dy't eins net iens
wachtsje kinne op'e begrutting. Dat binne it gemeentemuseum dat
fan't simmer iepengiet en werfoar 4.000,nedich is. It giet
dan ek noch om it oan wurk helpen fan W.A.O.'ers fia it Admini-
stratyf Sintrum.
Ek de lokale omrop De Boarnster Stim soe holpen wêze mei wat
jild fan'e gemeente.
De hear Breeuwsma seit dat him op side 3 opfallen is dat de
begrutting 1991 ynearsten op de nulline opsteld wurde sil. De
leste jierren is hyltiten wurke mei de nulline.
Yn de bylage fait him ûnder it haadstik "Bestaande begrotings
ruimte" op dat ek de priisûntwikkeling as meifaller opnommen is.
De begruttingsromte wurdt dan 273.808,- 131.000,
142.808,en dan wurdt it byld gâns oars.
Hy hat ek noed mei it alderenbelied en fynt dat as der wat oer
is it âldereinbelied as earste holpen wurde moat. Mar ek dêrfoar
sil earst de weroriëntaasje ôfwachte wurde moatte.
Wethâlder Bloem tinkt dat de hear Renia gelyk hat dat dizze
maitiidsnota yn wat in oar deiljocht besjoen wurde kin omt der
no dochs noch wat romte is. Se tinkt dat it kolleezje der
ferstannich oan dien hat om hiel foarsichtich mei dy romte om te
gean. Fierdere besunigingen sitte der net yn dizze maitiidsnota
en in tal saken dy't hiel nedich binne kinne oppakt wurde. It
hâldt yndied yn dat de saken dy't de hear Renia neamde sa as
âldereinsoarch, gemeentemuseum en De Boarnster Stim mar ek noch
oare saken yn'e begrtting foar 1991 ferwurke wurde sille. Yn'e
begrutting sille ek de risseltaten fan de weroriëntaasje, it
kolleezjewurkprogramma en de rekkeningsifers 1989 ferwurke
wurde. Wat dat oanbelanget is de maitiidsnota in bystelling
fan'e begrutting fan dit jier.
Yn de earste útwurking fan'e begrutting foar 1991 sil yndied de
nulline hantearre wurde. Letter sille de oare sifers sa as neamd
op side 3 tafoege wurde.
De romte dy't ûntstiet troch de priisûntwikkeling is opbrûkt. Se
wol it by dizze konstatearring hâlde.
It is wol wichtich om te bes jen hoe lang dit yn'e takomst sa
folhâlden wurde kin. Se jout de hear Breeuwsma gelyk yn dy sin
dat jo sa eins efterút buorkje.
De hear Renia begrypt de wethâlder hiel goed dat we wachtsje
moatte op it fêst^tellen fan'e begrutting. Mar it museum giet
dizze simmer wol iepen. Hy freget der dochs noch in kear
omtinken foar.
0091V
