GEMEENTE BOARNSTERHIM
5. Utstel oangeande it brûken fan de
Fryske doarpsnammen troch de P.T.T.
Oan de gemeenteried.
Grou, 15 juny 1990.
1. Ynliedina.
Sa't jimme witte hat de Arrondissemintsrjochtbank yn Den Haach
in útspraak dien yn de "boaiemproseduere", sa't dy troch de
gemeenten Tytsjerksteradiel en Boarnsterhim mei stipe fan de
provinsje Fryslân tsjin de P.T.T. oanspand wie.
Dêrnjonken hat oerlis pleatsfûn tusken de P.T.T., de provinsje
en beide gemeenten oer de mooglikheid om yn de tillefoan- en
postkoadegidsen ferwizings op te nimmen.
Op beide punten wurdt yn dit útstel yngien.
2. Utspraak riochtbank Den Haach.
De Arrondissementsrjochtbank yn Den Haach hat op 2 maaie
lêstlyn de earste fan de gemeenten Boarnsterhim en Tytsjerk-
steradiel, stipe troch de provinsje Fryslân en rjochte tsjin de
P.T.T., ôfwiisd.
De eask hâldde, koartsein yn, dat de P.T.T. de Fryske doarps
nammen yn harren gidsen en bestannen ynfiere soe.
Gearfetsjend seit de rjochtbank dêrfan it folgjende:
- de Fryske doarpsnammen binne de offisjel nammen;
- de P.T.T. is net streekrjocht ferplichte om dy nammen yn de
postkoade- en tillefoanboeken en yn de bestannen op te
nimmen; de besluten fan de gemeenten hawwe gjin
eksterritoriale wurking;
- der is gjin ferplichting foar de P.T.T. fanút in wetlik foar-
skrift of in net fêstleine rjochtsnoarm om de offisjele
nammen te brûken.
Fanwege de doelstelling fan benammen P.T.T.-post - in flugge
postbesoarging - is it op himsels, fan P.T.T. út besjoen, in
wize fan hanneljen dy't te akseptearjen is, as de P.T.T. de
gongbere yn stee fan de offisjele nammen brukt;
- de P.T.T. hat op himsels net foldwaande oantoand, dat der in
fersteuring fan it postale wurkproses by dizze twa lytsere
gemeenten pleats fine sil.
Omdat it om twa proefgemeenten foar it brûken fan it Frysk by
doarps- en strjittenammen giet, kin men yn ferbân mei
presedintwurking terjochte bang wêze foar fersteuring.
3Utstel P.T.T.
Jimme hawwe lezen dat der oerlis west har tusken de provinsje
en de P.T.T. oer de Fryske doarpsnammen; de gemeenten wiene via
de provinsje ek belutsen by it oerlis. It wie it doel om út de
ympasse te kommen, dêr't de P.T.T., de provinsje en de
gemeenten yn fersile wiene.
0092V
