-2-
Oe P.T.T. hat in útstel dien, dat, yn grutte linen, it
folgjende ynhâldt:
- der koirane ferwizings yn de tillefoangidsen fan de Frysktalige
wenplakken nei de Nederlânske nammen;
adresgegevens bliuwe opnommen ûnder de Nederlânske nammen;
- yn it aparte katern, foaryn it supplemint by de
postkoadegids, komt in ferwizing fan de Fryske nei de
Nederlânske nammen; ek hjirre bliuwe de gegevens by de Neder-
lânske nammen stean.
Foar de ferwizings wurdt in bedrag fan 500,per ferwizing
betelle;
- de prosedueres moatte ophâlde; de gemeenten moatte ek ôfsjen
fan fierdere fersiken oan de P.T.T.
Allinne as der sprake is fan wiziging yn de omstannichheden,
op grûn werfan de P.T.T. har stânpunt feroarje moatte soe,
kinne de gemeenten der op weromkomme.
Der is fierders benammen praat oer wat ûnder "wiziging yn de
omstannichheden" ferstien wurde moat.
Yn it oerlis is der gjin konkrete útwurking oanjûn. De
gemeenten binne frij en jou in eigen oardiel oer in wiziging
fan omstannichheden.
Hja kinne hjiroer altiten op'e nij oerlizze mei de P.T.T. Mocht
men it net iens wurde, dan kinne fierdere stappen dien wurde.
4Hoe no fierder?
Beide saken lizze der no. Der moat in beslút nommen wurde om al
as net yn berop te gean. Ek moat besluten wurde wat der mei it
útstel fan de P.T.T. dien wurdt.
Wy binnen fan betinken dat der gjin berop ynsteld wurde moat en
dat it útstel fan de P.T.T. akseptearre wurde moat.
Dêrby hawwe wy de neifolgjende motiven.
- Der binne wol oangripingspunten om yn berop te gean.
It begjinsel fan de "non-eksterritorialiteit" wurdt troch de
rjochtbank wol hiel gau oannommen. Ek oer de fersteuring fan
it postferkear, seis by mear gemeenten yn Fryslân, is mear te
sizzen.
Oan de oare kant leit der no in dúdlike útspraak fan de
rjochtbank yn de boaiemproseduere; dy útspraak leit yn de
line fan de twa koart-geding fonnissen.
Der komt noch by, dat de beropsproseduere op syn minst oardel
jier duorret; de kassaasjeproseduere likernoch twa jier.
- It útstel fan de P.T.T. haldt yn, dat yn de gidsen fan de
P.T.T. de offisjele nammen opnommen wurde, ek al wurdt dêr
dan ferwiisd. Dat is dúdlik minder as de gemeente foar eagen
hie, dat wie it yntegraal opnimmen fan de Fryske nammen.
0092V 19