GEMEENTE BOARNSTERHIM
24. Offloeiïngsregeling ûnderwizend
en ûnderwiisstypjend personiel.
Oan de gemeenteried.
Grou, 15 juny 1990.
Fan de Feriening fan Nederlanske Gemeenten (V.N.G.) ha wy berjocht
krigen, dat de offloeiïngsregeling ûnderwizend personiel
basisûnderwiis, fêststeld troch de gemeenteried yn syn gearkomste
fan 19 maart 1985 op in oantal punten wizige wurde moat. Fierders
moat ek foar it ûnderwiisstypjend personiel -ek al is der bygelyks
mar ien skjinmakker oan in skoalle- in offloeiïngsregeling fêststeld
wurde.
De wiziging fan de Sffloeiïngsregeling ûnderwizend personiel is
benammen bedoeld om de efterstân dy't froulju ek yn it ûnderwiis
hawwe sljocht te eidzjen (ynheloperaasje)In bepaling fan deselde
strekking is ek opnommen yn de regeling foar it ûnderwiisstypjende
personiel.
Nei wiidweidich oerlis mei de ûnderwiisorganisaasjes (AB0P/NGL/AWM0/
AbvaKabo) is oerienstemming berikt om ek de fersoargingstiid fan
bern troch froulike learkreften oant in bepaalde hichte ta te rekken-
jen oan it begrip tsjinsttiid.
De efterlizzende gedachte is dat froulju oer it algemien de
fersoarging fan de bern op harren nimme, sadat sy kans rinne minder
tjinsttiid op te bouwen en dêrtroch by it werom rinnen fan it oantal
learlingen earder yn oanmerking komme foar taakfermindering dan wol
ûntslach.
Op lênlik nivo is oerienstemming berikt om de fersoargingstiid mei
weromwurkjende krêft meitelle te litten oant maksimaal 6 jier. Dat
betsjut dat ek de fersoargingstiid foar de wiziging fan de Sffloei-
ingsregeling meinommen wurde kin. De nije regeling sil net sunder
mear tapost wurde op it sittende personiel. Der sil rekken halden
wurde moatte mei in oergongsregeling. It sittende personiel hêldt
foarearst de opboude rjochten.
Earst, wannear't it giet om in nije oanstelling op in skoalle, sil
by de fêststelling fan de tsjinsttiid rekken halden wurde moatte mei
mooglike fersoargingstiid en dêrmei mei mooglike ferskowing yn de
besteande óffloeiïngsfolchoarder fan personiel oan dy skoalle.
Beide regelingen binne om advys tastjoerd oan de Mienskiplike
Meisizzenskipried en binne besprutsen yn de 2e ôfdieling fan jim
ried.
It advys en it ferslach dêrfan leit foar jim by de stikken op besjen.
Wy stellen jim út de model offloeiïngsregeling ûnderwizend- en
ûnwiisstypjend personiel konform oer te nimmen en fêst te stellen en
de ôffloeiingsregeling fêststeld by riedsbeslút fan 19 maart 1985,
nûmer 17, yn te lûken.
0090V 104
