- 2 -
Ad 2/3.
It meast drege part fan de opdracht hat west, it part dat neamd
wurdt by foargeande punten twa en trije, de útfiering fan de doelen
fan it ûnderwiisbeliedsplan en dêrmei gearhingjend de finansjele
ûnderbouwing.
Op hokker wize it beste stâl jûn wurde kin oan de útfiering fan it
underwiisbeliedsplan wie foar de KUB noch net iens sa ienfâldich. De
swierrichheid is nammentlik, dat konkretisearring fan it underwiis
beliedsplan net te dizich wêze mei, mar oan'e oare kant ek wer net
te detaillistysk.
Der is al mei al hiel wat omwraksele oer de wize wêrop sa goed en
dúdlik mooglik stal jûn wurde kin oan de opdracht om útfiering te
jaan oan it underwiisbeliedsplan. Troch ûntjouwingen op ferskate
meden, sa as ministeriële maatregels, maatskiplike feroaringen,
ensafuorthinne, is de KUB fan miening dat der troch de gemeente - as
skoallebestjoer - op haadlinen dochs wat mear dien wurde moat oan
stjoering, sûnder dat derby yn details gien wurdt en sûnder dat it
bestjoer him fuortdaliks bemuoit mei de ynhâldlike kant fan it
ûnderwiis. In middel om dat te realisearjen, is in mearjierrenplen-
ning dy't yn goed oerlis mei alle belanghawwenden gearstald wurdt.
De mearjierrenplenning is yn feite in konkretisearring c.q. útwur-
king fan it underwiisbeliedsplan, wêrby de doelen en útgongspunten
fertaald binne yn in oantal aktiviteiten.
In wichtich foardiel fan de mearjierrenplenning is, dat ynsicht en
oersicht krigen wurdt fan saken dy't him op de skoallen ôfspylje,
wêrby yn oerlis prioriteiten steld wurde ferspraat oer in oantal
jierren oanien. Elts jier wurdt op'en nij neigien at de plenning
bysteld of oanfold wurde moat, wêrby it net útsluten is, dat der in
ferskowing yn de prioriteitstelling oanbrocht wurdt.
It is seker net de bedoeling dat saken fan boppe-ôf sûndermear
oplein wurde oan de skoallen. Feit is wol dat yn'e regel skoallen
oerstjalpe wurde mei allerhande ideeën, projekten, aktiviteiten en
methoaden.
Om dêrút in ferantwurde kar te meitsjen, is it wichtich dat der in
(toets)ramt is dêr't dy saken oan spegele wurde kinne. Op skoalle-
nivo is dat by útstek it skoallewurkplan dat linearre wêze moat oan
it underwiisbeliedsplan dan wol de mearjierrenplenning ûnderwiis-
aktiviteiten. De mearjierrenplenning is in konkretisearring fan de
doelen en útgongspunten fan it ûnderwiisbeliedsplan en moat sjoen
wurde as in skoalle-oerstiigjend plenningsdokumint, wêrby foar de
yndividuele skoallen noch foldwaande romte oerbliuwt om ek omtinken
te jaan oan saken dy't fan te foaren net te foarsjen binne. Der moat
dus in stikje fleksibiliteit yn sitte.
In wichtich foardiel fan de mearjierrenplenning is, dat in better
ynsicht en oersicht krigen wurdt fan saken dy't him op de skoallen
opspylje moatte, wêrby yn goed oerlis mei de skoallen in prioriteit
stelling makke wurdt.
Dêrnjonken binne der altyd aktiviteiten dy't net beheind bliuwe ta
ien bepaalde skoalle mar dy't op meardere skoallen oan'e oarder
binne. Ut in eachpunt fan effektiviteit en effisjinsje kinne guon
aktiviteiten hiel goed oppakt wurde troch meardere skoallen. It is
seis mooglik dat yn bepaalde gefallen it bysûnder ûnderwiis dêr ek
yn partisipearret, ôfhinklik fan it Onderwerp.
0090V 101