- 3 -
It is wichtich dat de wikselwurking tusken bestjoer en de skoalle
(personiel/âlders) optimalisearre wurdt, dat it bestjoer op de
hichte is fan wat der op de skoallen libbet en oarsom ek. Der sil in
fertrouwensbasis wêze moatte. Foar safier't dy der net foldwaande is
sil der troch ús oan wurke wurde om dy basis te fersterkjen.
En last but not least foarmet de mearjierrenplenning in ûnderbouwing
foar de gearstalling fan in finansjeel plan, wêrby in ferantwurde
ofweging makke wurde kin fan de wize wêrop de beskikbere finansjele
middels bestege wurde. Foar takomstige aktiviteiten kin oer in
oantal jierren ferspraat jild frijmakke wurde en fêst reservearre
wurde foar dy takomstige aktiviteiten.
Fansels is it in proses dêr't de nedige ûnderfining mei opdien wurde
moat. It wurkjen mei in yntegrale mear jierrenplenning is eins wat
nijs, hoewol't mei in soartgelikens systeem foar de húsfesting fan
it basisûnderwiis al in oantal jierren op dy wize wurke wurdt.
Wy binne fan betinken dat it de muoite wurdich is om ris ûnderfining
op te dwaan mei it wurkjen fan in mear jierrenplenning, dy't elts
jier op'en nij fêststeld wurdt, wêrby ferslach dien wurdt fan de
foarôfgeande perioade.
Oer it útstel sa't dat no foar jim leit is wiidweidich skriftlik-
en/of mûnling oerlis west mei it personiel, de âlders (meisizzen-
skipsrieden) fan de skoallen en de mienskiplike meisizzenskipsried.
Reaksjes fan meisizzenskipsrieden en direkteuren basisûnderwiis
lizze foar jim by de stikken op bes jen. Foar alle dúdlikens is in
gebrûksoanwizing tafoege oan de mearjierrenplenning ûnderwiisaktivi-
teiten.
Wy stelle jim út om de mear jierrenplenning 1991 - 1993 oerienkom-
stich taheakke útstel oer te nimmen en fêst te stellen.
Boargemaster en wethêlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0090V 102