- 4 -
Om't net alle fraksjes yn it kolleezje ferstjinwurdige wêze
kinne moat der in kar dien wurde.
Sjoen de getalsferhâldingen komt it der op del dat fan'e
wethaldersposten 2 foar de P.v.d.A. binne en 1 foar in oare
party.
As men in kolleezje wol dat rûchwei 2/3 fan'e kiezers
fertsjinwurdiget, en dat is dochs in knappe ôfspegeling, dan
komt dat del op in kolleezje P.v.d.A. - V.V.D. as P.v.d.A. -
CDA.
Hoe wurdt no dy kar makke? Hy seit dat syn fraksje rom op tiid,
al foar de ferkiezings, de oare fraks jes útnoege hat om
meielkoar te oerlizzen oer de takomst.
De P.v.d.A. hie dêrta in praatstik opsteld. Mei alle trije oare
fraksjes is oerlein.
Dat oerlis is yn goede sfear ferrûn en hie as útkomst dat alle
partijen har yn haadlinen fine koenen yn'e útgongspunten en
doelstellings fan it stik.
Dit stik foarmet de basis foar it nije kolleezjewurkprogramma,
dat de earstfolgjende riedsgearkomste oan'e oarder komme sil.
Yn grutte halen komt it der op del dat it kolleezje kiest foar
kwaliteit boppe kwantiteit en foar stabilisaasje fan it
ynwennertal en foar it útwreidzjen fan'e kwaliteit fan wenjen,
wurkjen en rekreëarjen. Dat betsjut útwreiding fan'e
miljeusoarch, mear omtinken foar de wenomjouwing, oandacht foar
de soarch yn'e meast brede sin as alderenbelied, maatskiplik
wurk ensafuorthinne en in effisjint draaiend apparaat mei
behearsbere middels.
Dat freget nochal in ynvestearring om dat alles de kommende 4
jier fan'e grûn te tillen.
Sjoen it ûndersyk fan Thijssen en Vos is in planmjittige
wurkwize nedich utgeande fan in totaalfysje dellein yn
jierplannen dêr't geregeldwei op weromkommen wurde kin. Dizze
wize fan wurkjen freget in goed oerlis, ek tusken de fraksjes
dy't it kolleezje foarmje en it freget homogeniteit yn'e
fraksjes.
Sjoen de petearen dy't der west binne, sjoen ek de
getalsmjittige ferhâldings en sjoen boppeneamde opmerkings,
tinkt syn fraksje dit it best realisearjen te kinnen mei de
fraksje fan'e V.V.D.
Syn fraksje stipet de kandidaat fan dy fraksje en se drage seis
foar as kandidaten de hear Nieuwdam en frou Bloem.
Frou Veldstra seit dat de F.N.P.-fraksje fan betinken is en wie
dat de útslach fan'e ferkiezings in kear yn'e gemeentlike
polityk betsjut.
Soks kin net sûnder gefolgen bliuwe binnen de ferhaldings yn'e
rie.
Nei in grutte perioade hat de befolking de P.v.d.A. by de leste
ferkiezings in dúdlik teken jûn. It gefolch is dat de P.v.d.A.
gjin mearderheid mear hat.
Dat yn'e foargeande perioades de P.v.d.A. ek de mearderheid hie
yn'e kolleezjes wie logysk en foar safier bekind hat dêr ek nea
krityk op west.
De útslach fan'e leste ferkiezing hat lykwols in oare
mearderheid brocht. C.D.A., V.V.D. en F.N.P. hawwe no 9
riedssitten. De P.v.d.A. 8. Yn dy sitewaasje liket it har logysk
ta dat de P.v.d.A. it docht mei 1 wethâlderssit.
0088V 28