- 17 -
Mei de dekking is hy it lykwols net iens. Hy fynt it net goed
dat it helle wurdt út'e reserves kwartêre wegen, omt dy reserves
brûkt wurde soene foar it ûnderhâld fan dy wegen.
De voorzitter merkt op dat één en ander past binnen de
voorjaarsnota.
De hear Breeuwsma seit dat hy doe ek reservearre west hat.
Vervolgens wordt zonder hoofdelijke stemming conform het
voorstel besloten.
Voorstel tot het beschikbaar stellen van een krediet ten behoeve
van de aanleg van sanerinashavens te Aldeboarn en Weraea.
De hear GBouma seit dat syn fraksje akkoart giet mei it útstel
in kredyt beskikber te stellen foar de sanearringshavens yn
Aldeboarn en Wergea. Dy havens binne needsaaklik yn dizze
saneamde "loop-kijk-koop" doarpen.
De útfiering fan dizze havens bart yn it ramt fan'e lisplakken-
oardering fan'e provinsje Fryslân. De gemeente hat der yndertiid
foar keazen de útfiering fan de oardering seis yn hannen te
nimmen om de belangen fan'e ynwenners better tsjinje te kinnen.
As der de argewaasje fan no tsjin oer setten wurdt dan flokt dat
mei-elkoar. De krityk is bekind.
Der is ek foar keazen om de útfiering fasegewiis oan te pakken.
Lykwols docht bliken dat dy oanpak hiel ûnridlik útpakt. Net
allinne troch it fasegewize, want dat is best te rjochtfear-
digjen, mar as der in proseduere ynsteld wurdt moat de oerheid
ek by steat wêze om dat ek út te fieren. No docht bliken dat dat
net it gefal is.
It gefolch is dat ynwenners dy't harren oan'e regels halde
hûnderten gûnen kwyt binne wylst dyjingen dy't harren foar de
regels weiwine mei rêst litten wurde. Dat is ünrjochtfeardich en
syn fraksje kin hiel goed de gefoelens dy't dêroer benammen út
Wergea nei foaren komme begripe.
Syn fraksje freget it kolleezje om it ynisjatyf yn hannen te
nimmen oangeande de útfiering fan'e regels dit jier. Ut'e
beslutenlist fan it kolleezje docht bliken dat der nei de
simmerfakânsje ta útfiering oergien wurde sil mar dat docht gjin
rjocht oan datjinge dat al skeef gien is. Syn fraksje noeget it
kolleezje út yn'e earstfolgjende gearkomste te kommen mei in
útstel om deryn it belied foar dit jier oan te jaan. Hy docht de
suggestje om alle leges dy't oant no ta stoarten binne werom te
beteljen en net earder mei de útfiering fan de oardering te
begjinnen as wannear't it amtlik apparaat dêrop tasnien is.
De hear Breeuwsma seit dat it bekind is dat der mei de útfiering
fan'e lisplakkenoardening wat problemen yn Wergea ûntstien
binne. Hy wol graach ris yn'e ôfdieling hearre hoe't ien en oar
rint.
0093V
