-17-
Untsluting nei buten ta soe bést wolris plakfine kinne oer de
Hôflânswei, Idaerd rjochting Sll. Dit is te ünwis en te fier
fuort om der no al in slompe jild yn te stekken.
In oar argumint nammentlik dat it omriden fan auto's mear
miljeubelesting jout liket wat socht. It kin krekt oarsom ek wol
wêze dat fanwegen it omriden in Grouster gauwer it fytske pakt
as er nei it gemeentekantoar moat.
It kin ek bést wol wêze dat de gasten fan Yn'e Lijte faker it
pontsje brûke ynstee fan om te riden.
Dat minsken fan de kant fan Idaerd en Warten omride moatte is
wis. Mar moat dat no in reden wêze om in heal miljoen yn in
autobrêge stekke dêr't earder al fan sein is dat dy net nedich
wie en dêr't ek net de needsaak fan oantoand wurde kin. Is de
lichte foarkar út it ûndersyksrapport echt in heal miljoen
wurdich? De mearderheid fan syn fraksje fynt dúdlik fan net.
As der nei it kolleezjewurkprograirana sjoen wurdt binne der noch
in protte saken dy't oppakt wurde moatte. Dat it is eins te gek
en lit dy autobrêge der tuskentroch fytse. Mei de kapitaals-
lésten fan'e brêge soe bygelyks de basisedukaasje ûnderdak
holpen wurde kinne en koe Akkrum fêst útein mei it doarpssintrum.
Mei it jild foar de boppewykse foarsjenning kin in stik êlder-
einsoarch feilich steld wurde. En moat ynkoarten ek net It Grien
opknapt wurde?
Al mei al kin de mearderheid fan syn fraksje it net goed fine en
stek sa'n soad jild yn dizze net beslist nedige brêge.
De hear Breeuwsma hat oan wat de hear Renia sein hat net folie
ta te dwaan. Doe't Biensma opstarten is is der in dúdlike kar
makke foar in nije brêge en in fytsbrêge yn't plak fan'e âlde
brêge yn'e J.W. de Visserwei.
Troch de fytsbrêge soe de ferkearsdruk op'e Stasjonswei minder
wurde. Alle óf spraken binne noch mar sa koartlyn makke en dat it
no al wer oars moatte soe dat begrypt hy net. Der is boppedat
foar safolle dingen noch jild nedich dat hy is der op tsjin om
foar in autobrêge in heal miljoen ekstra út te lûken. Syn
fraksje stipet de mearderheid fan it kolleezje.
De hear Oosterhof seit dat no't der in knap plan foar in
autobrêge is syn fraksje sein hat dat dat mar ris goed besjoen
wurde moat. Der binne al wat foardielen opneamd yn it útstel,
mar hy neamt noch in pear nammentlik it achterlên, Reduzum dat
fia it fytstunneltsje ek better yn Grou komme kin, de nearing-
dwaanden dy't seker foardiel hawwe sille fan in autobrêge en ek
noch de ûntsluting fan it gemeentekantoar en Halbertsma. Syn
fraksje hat de kar falie litten op it realisearjen fan in auto
brêge. Hy freget wanne aras dêr ta besluten wurdt, de auto
brêge oanlein wurde sil.
De hear G. Bouma sprekt út namme fan de minderheid fan syn
fraksje. It sil dúdlik wêze dat hy mient dat der wol in auto
brêge komme moat.
Der is earder op opmurken dat yn'e simmer fan 1989 yn san hasten
besluten is ta de ûntwikkeling fan Biensma.
