-8-
De hear Van der Baan tinkt dat net funks jonarissen útsluten
wurde mar bern dy't net yn harren memmetaal opfongen wurde.
De voorzitter vindt het nu niet de juiste tijd om commentaar als
in de tweede ronde te leveren.
De hear Van der Baan sil dêr rekken mei hâlde. Hy fynt lykwols
dat de taal faak as status brûkt wurdt ek yn it ûnderwiis. Dat
is no just it gefaar dat bern bedriget. Benammen Fryske bern
moatte út dy ûnderskode posysje weihelle wurde.
Wethâlder Bloem seit dat der al hiel wat sein is oer de kwali-
teitseasken. It is hiel wichtich dat dúdlik makke wurdt hokfoar
easken as steld wurde. Yn hiel Nederlan sil aanst de kontrole
noch wol in punt fan diskusje wurde. Yn de parktyk sil ek bliken
dwaan moatte oft der in grut entûsjasme is om ferskate foarmen
fan berneopfang op te setten.
It kolleezje is fan betinken dat de pjutteboartersplakken wol
opnommen wurde moatte yn'e feroardening omt dêrmei de yntinsje
útsprutsen wurdt hoe't der oer pjutteboarterssealen tocht wurdt.
Binnen it totaal fan'e berneopfang is it pjuttewurk fan grut
belang. Alle foarmen fan berneopfang hearre oanfoljend te
wurken. As de opset dus yn prinsipe itselde is moatte ek deselde
easken steld wurde. Se kin dy minsken dy't ûngerêst binne oer
wannear't dat ek foar it pjuttewurk jilde sil gerêststelle. It
kolleezje wit dat op dit momint foar lang net alle pjutte
boarterssealen alles al goed regele is.
Dat leit foar eltse pjutteboarterseal wer oars en dêrom sil der
ek foar eltse seal in oare fasearring jilde moatte. It is
spitich dat de federaasje noch net sa fier is dat dêr oerlis mei
fierd wurde kin.
Foar guon minsken is de memmetaal Nederlânsk, foar guon Frysk en
foar oaren Turks. It giet no om de kwaliteit fan opfang foar
hiele jonge bern. Foar hiel jonge bern is it dochs wichtich dat
dy opfongen wurde yn'e memmetaal en dat mei ek as kwaliteitseask
steld wurde. Wat dat oanbelanget hat sy yn'e 2e ôfdieling sein
dat der yn goed oerlis mei de êlders, bestjoeren kommen wurde
kin ta in goede óf spraak om de opfang yn'e memmetaal as eask op
te nimmen. Dit útstel liket har better as dat fan'e F.N.P. dêr't
keazen wurdt foar twataligens. Se tinkt dat de wiziging ek net
oanbrocht wurde moat yn Haadstik 1 dêr't it giet om algemiene
bepalingen.
As it echt oer de kwaliteit giet liket kêst 17 har gaadliker. As
it echt giet oer de kwaliteit fan'e berneopfang moat der net
praten wurde oer it feit dat guon sollisitanten útsluten binne
mar oer hoefolle bern gebrûk meitsje kinne fan in goede berne
opfang.
Frou Veldstra seit dat út it antwurd fan'e wethêlder wol dúdlik
wurdt dat sy it útstel fan'e F.N.P. net stipet.
Stel dat it gewoan oerlitten wurdt oan âlders en bestjoeren dan
is it mar hiel tafallich hoe't sa'n pjutteboartersplak der mei
omgiet.
