-18-
De hear S. Bouma seit dat yn de plannen dochs it parkearen in
sintrale rol spilet. Sjoen it útstel om earne oars ferfangjende
parkeargelegenheid te realisearjen giet syn fraksje dêrnei
akkoart
Der binne 3 plannen. De wurkgroep hat keazen foar model I en syn
fraksje is it der mei iens. It fernuvert him wol dat der dochs
noch beswieren binne fan minsken dy't yn prinsipe earder al
meipraat kind hiene. Der is in brief fan'e jeugdherberch kommen
wêryn frege wurdt om mear parkearplakken. Hy wol der by it
kolleezje op oantrune om te sykjen nei in oplossing sadat de
jeugdherberch oer in pear fêste plakken beskikke kin.
Dan is der in brief fan'e omwenners. Der moat in goede ferwizing
fan te foaren nei de parkearplakken komme. Dan kinne problemen
tefoaren kommen wurde. Ek de kadebewenners en de bedriuwen hawwe
in brief oer dizze selde problematyk skreaun. De GWHI jout stipe
oan'e wurkgroep en docht de oanbefelling om de trochbraak tusken
It Kofskip en De Treemter fisueel smeller te meitsjen sadat dêr
net ynriden wurde kin.
Hy wol dy oanbefelling net oernimme want dêrtroch soene nochris
6 parkearplakken ferlern gean. Der kin better troch de niis-
neamde ferwizingsboerden foar soarge wurde dat de minsken nei de
goede plakken ta ride.
Syn fraksje kin ynstimme mei it útstel. De foarsitter hat wolris
sprutsen fan it "plein fan ik" en dat makket, sjoen alle brieven
noch hyltiten opgong. Mar dochs sil it algemien belang boppe it
yndividuele belang gean moatte.
De hear Breeuwsma seit dat it him ek fernuvert dat der no noch
sa'n steapel brieven leit oer dit plan wylst der hiel
wiidweidich omtinken jûn is oan'e ynspraak. As it útstel neist
alle brieven lein wurdt is der noch gjin sprake fan
ienriedichheid. It is wol tige wichtich dat der in gelyk tinken
is. As der beswier makke wurdt kin dat wolris hiel lang duorje.
Hy tinkt dêrom dat it útstel der net trochdrukt wurde moat. Hy
wol graach witte hoe djoer it plan wurde sil. It is absurd dat
der praten wurdt oer 8 ton wylst der mar in ton beskikber steld
is. Hy fynt dat de werynr jochting betelle wurde moat út'e
doarpsfernijing. In oare mooglikheid is der neffens him net of
de ûnroerend guod belesting moat wer omheech. Syn fraksje sprekt
model I it measte oan mar dan wol yn in sterk ferienfâldige
ferzje.
De hear Van der Baan seit dat syn fraksje wol tefreden is mei it
ynrjochtingsútstel. It wie fan te foaren bekind dat it nea ta in
ideaal gehiel foar eltsenien komme soe. It moat yn ditsoarte
saken altiten ta in kompromis komme.
It parkearfraachstik wurdt mei de ynrjochting fan It Grien net
oplost. Dêrom is it ek ferstannich yn earste ynstânsje in
oplossing te sykjen foar it parkearen. Hy fynt dat de suggestjes
dy't oandrûgen binne ek meinommen wurde.