- 2 -
Wy hawwe net it idee dat wy dit proses as gemeentlike oerheid
keare kinne. Wy binne wol fan betinken dat de gemeente in
bydrage leverje kin yn it fuortsterkjen fan de status fan de
taal. In taal dy't de muoite wurdich is om te behâlden.
Dat út te dragen en in lyts bytsje it foarbyld te jaan fine wy
mei in taak fan de gemeentlike oerheid.
Ek al kinne de measten it net skriuwe, ek al hawwe guon wat
muoite mei it lezen, wy tinke dat it foar it behald fan de taal
fan belang is dat ek de gemeente dy taal brûkt.
2Ynfierinosmeente.
Yn 1984, net sa lang nei de weryndieling, hat it provinsjaal
bestjoer ús gemeente frege om ynfieringsgemeente foar it Frysk
te wurden. Dit fersyk is oan jimme ried foarlein mei de
opmerking dat wy dat al wiene (wy brûkten it Frysk al), mar dat
wy ús beriede soene oft wy al as net útwreidingsgemeente wurde
woene (yn de sin sa't de provinsje dat bedoelde).
It riedsbeslút hâlde yn, dat ear't dêr in beslút oer nommen
wurde koe der earst in taalbeliedsplan opsteld wurde moast om te
sjen wat soks besjutte soe. Nei it fêststellen fan it belieds-
plan koe der in ynhâldlik antwurd nei de provinsje: ja of nee en
sa ja, hoe (hurd) dan en ûnder hokker betingsten.
Der waard in kommisje beneamd mei de opdracht in ûntwerp-taal-
beliedsplan op te stellen. Dat ûntwerp-plan is der kommen. Yn
septimber 1986 wie it klear. It rapport hat as namme "Boarnster-
him en it Frysk as besjoerstaal" en leit dêr sûnt dy tiid as in
konsept. Beslútfoarming hat noch net pleats fûn.
Dat der noch gjin beslút nommen is wol net sizze dat der neat
bard is. Ein 1986 hat it kolleezje fan boargemaster en
wethalders yn syn gearstalling fan doedestiids in ynhâldlik
stânpunt ynnommen, dat der op del komt dat it ûntwerp-taal-
beliedsplan fier sten te hurd wol, dat de ynfiering fan it Frysk
as besjoerstaal fasearre wurde moat en dat der jild op it kleed
komme moat om de ynfiering mooglik te meitsjen 40.000,per
jier)
De ynterne diskusje is dêrnei in skoft hingjen bleaun op de
fraach moat der east wissigens wêze oer it beskibere jild foar
de ynfiering of kin it rapport wol foar ynspraak frij jûn wurde.
Dat dat in frij ünfruchtbere diskusje wie die al gau bliken,
doe't by de ombûgingsoperaasje fan 1987 der gjin jild foar it
Frysk frij makke waard en it rapport "dus" lizzen bleau.
Alle jierren by de begruttingstarieding soe neigongen wurde oft
der (dochs noch) jild frij makke wurde koe.
De fierdere gong fan saken is bekend. It jild yn de gemeente
waard allinne mar krapper. Romte foar útfiering fan in belied
Frysk wie der net. Bestjoerlik oerlis mei jimme ried hat der yn
1988 ta laat dat it rapport dochs yn de ynspraak jûn is, sawol
yntern as ekstern.
0105V 49