- 4 -
Njonken de net-kinners en de net-wollers is der ek in grutte
groep (tinke wy) dy't sêft sein gjin belangstelling hat en it
allegear "wol goed" fynt. Ek dizze groep taast it maatskiplik
draachflak fan in belied Frysk oan.
Us generale konklúzje oer de ynspraak oer it ûntwerp-taal-
beliedsplan is dat it enthousiasme oer in gemeentlik belied
Frysk beheind is en de desynteresse en de wjerstân grut.
4. Provinsiale ramtnota taalbelied.
Begjin desimber 1990 krigen wy fan it provinsjaal bestjoer
tastjoerd de ramtnota taalbelied.
De gemeenten kinne dêr op reagearje. De nota is in oanset ta it
formulearjen fan in gearhingjend taalbelied yn Fryslân en is as
sadanich ek foar ús gemeente fan belang, benammen no't wy ús
eigen taalbeleid noch hieltyd formulearje moatte.
It ûntwerp fan de "Ramtnota Taalbelied" is in útwurking fan
al earder fêstleine útgongspunten, lykwols mei de klam op it
ûntwikkeljende karakter fan it belied.
De doelstellings sa't dy foarmulearre binne, kinne yn ien
sin gearfette wurde: "it moat fanselssprekkend wêze dat
minsken harren eigen taal brûke".
De oanbefellings, oan de gemeenten hawwe betrekking op:
- jierliks in oerlis om ûntjouwings by ryk, provinsje en
gemeenten oangeande it taalbeleid op inoar of te stimmen;
- it opsetten fan in kampanje mei as doel it skeppen fan in
útnoegjend klimaat om it Frysk sawol mûnling as skriftlik
te brûken;
Oan it nije fenoneem "stipepunt Frysk" wurde de folgjende
wearden takend:
- it fieren fan in yndirekt taalbelied dat bydraacht ta in
klimaatferbettering foar it Frysk;
- it fersoargjen fan in stipefunksje mei in oanbod fan
materiaal dêr't partikulieren, ynstellings en oerheden
gebrûk fan meitsje kinne;
- it útfieren fan taken op it mêd fan foarljochting en
promoasje, ynformaasjefoarsjenning, advisearring/
taalbystân en it fersoargjen fan in ombudsfunksje foar it
Frysk.
Ut eachpunt fan draachflak-ferbreedzjen en klimaatferbetterjen
fynt de provinsje it better dat inisjatieven op it mêd fan it
Frysk by de by de gemeenten seis ûntsteane en ta ûntjouwing
komme.
Der moat in sitewaasje fan ienheid en ferskaat ûntstean:
ienheid yn grutte halen fan it taalbelied, nammentlik de
grûnslag lykweardigens en lykberjochtiging en ferskaat yn de
útfiering, passend by de eigen gemeentlike organisaasje,
ynfrastruktuer en ynwenners.
0105V 51
