-5-
Sels suster Johanneke koe it net mear lymje. It skip drige op'e
klippen te rinnen. It freget stjoermanskeunst en seeskonken om
de saak wer op gleed te krijen. As men dan in útstel list kriget
men de yndruk dat de saak sjoen wurdt troch de eagen fan in
heidebewenner dy't foar't earst weagen sjocht. Wêrom sa negatyf,
sa dúdlik ôfwachtsjend wat in oar, benammen de provinsje út'e
wei set. Wy hoege der ommers allinne mar foar te soargjen dat it
musyk wer oansluting kriget. As wy de pas ynhâlde en it musyk
soe dat ek dwaan dan bart der dus ek neat. It korps sil wer yn
beweging moatte.
Litte we dêrom de kreet "taalfolgjend interiumbelied" léze as
"taalaktivearjend interiumbelied". Litte we dat aktivearjende
rjochtsje op oaren yn ús provinsje dy't ek wol wat wolle mei it
Frysk. Alhiel foarop rinne sa hat bliken dien hat syn beheinings.
Syn fraksje stelt him foar dat yn'e geast sa as it kolleezje
skriuwt der in regelmjittich oerlis ta stân komt tusken
gemeenten en provinsje. In planfoarm foar it Frysk yn it
bestjoerlik ferkear.
Hy wit dat ferskate gemeenten hjirfoar yn binne. Konkreet: it
kolleezje is aktivearjend yn dy sin dat hy befoardert dat it
oerlis breder en frekwenter wurdt. Doel sil wêze it befoarderjen
fan in grutter draachflak en mear mooglikheden foar it Frysk yn
it bestjoer. Hjirby sil yn advisearjende en stypjende sin it
stipepunt Frysk in rol spylje. Om yntern yn'e gemeentlike
organisaasje mear mooglikheden te krijen sille kursussen organi-
searre wurde moatte foar it personiel.
It planfoarm en de bestjoersskoalle kinne der in rol yn spylje.
Underdiel A fan it útstel hat gjin doel. Der is al in dtspraak
oer dien.
Boppedat hat hy begrepen dat de provinsje net mear mei dat wurd
wurket.
Yn underdiel B soe sprutsen wurde moatte fan in taalaktivearjend
interimbelied.
Punten C, D en E kinne bliuwe as mar dudlik is dat ús gemeente
yn dit gehiel in aktivear jende rol spylje wol. Dan wol hy it
noch efkes hawwe oer de lytse punten op side 6 fan it útstel.
Hy nimt oan dat wat de opskriften oanbelanget it belied sa
bliuwt as it no is. Dat jildt ek foar de tillefoaniste. Lit dy
har eigen taal prate. It blykt gau genôch wat de oare kant wol.
De notulearring fan'e ôfdieling en de beslutelisten soe krekt sa
wêze moatte as dy yn'e rie. By de beantwurding fan brieven
ferwachtet syn fraksje no wol echt folgjend belied.
Hy kin him ek yntinke dat de gemeente op dielterreinen as
ûnderwiis en kultuer nei ferienings ensafuorthinne as regel
gewoan it Frysk brûkt. Dat jout dochs noch wat ynhâld oan it
gewoan brûken fan it Frysk.
It giet no oer it Frysk yn it bestjoerlik ferkear mar it Frysk
is fansels breder. Hy rekkent derop dat it kolleezje alle war
dwaan sil om benammen yn it (ferfolch)ûnderwiis it Frysk it plak
te jaan dat it takomt.
Want mei goed ûnderwiis fait as stiet elts taalgebou. As foarbyld
fan stipe op it sosjaal-kulturele mêd neamt hy it halden fan in
Fryske wike yn'e simmer.