-11-
Na gehouden stemming blijkt het voorstel met 12 tegen 3 stemmen
te zijn aangenomen. Tegen hebben gestemd de leden Van den Berg,
Breeuwsma en Dotinga.
8. Voorstel tot het vaststellen van de structuurvisie Terherne.
De hear Van der Baan seit dat syn fraksje yn grutte halen
akkoart giet mei it útstel. Hy wol lykwols wat taheakje oan wat
earder allegearre al sein is. Dat is net bedoeld as krityk nei
it kolleezje ta mar wol as in sinjaal om hoeden mei de fierdere
planútwurking om te gean.
Ut de diskusje mei de bewenners fan Terherne wurdt dúdlik dat
der minder akseptaasje fan'e plannen is as dat út'e leste
harksitting nei foaren kommen is.
It kin de lju dy't krityk hawwe ferweten wurde dat se doe neat
sein hawwe. Op 31 oktober hat der earder ynspraak west, der
hawwe skriftlike réaksjes west mar it plan bleau sa't it wie.
Alteast, dat wie it gefoel fan'e minsken dy't beswier hiene. De
konklúzje fan dy groep is: wat foar doel hat it jins mûle iepen
te dwaan as it dochs sa naait wurdt as it knipt is. It doarp
Terherne sil net ûndersnije moatte yn plannen fan projektûnt-
wikkelders. Dit plan is foars en yngripend en it hâldt it gefaar
yn dat yn'e publykprivate gearwurking de private sektor de
oerhén krijt. Syn fraksje achtet it fan belang de tagong ta de
mar iepen te hâlden foar it publyk en dat der in oergong oer it
wetter makke wurde moat nei Jongebuorren.
Fan belang is ek dat de wegen en de wetters iepenbier tagonklik
hâlden wurde. Datselde jildt foar de pier. As leste winsk libbet
der yn Terherne dat der betelbere oanlisplakken bliuwe. Hy soe
it hiel ferstannich fine dat de wethâlder der op oanstiet dat de
iisklub en Pleatslik Belang harren leden byinoar roppe om in
dúdlik stânpunt yn te nimmen oer de plannen. Oan't no ta is dat
net bard en dêrtroch bliuwt der noch altiten in mistige waas
hingjen oer de útfieringsmooglikheden. Hy tinkt dat hy der goed
oan dien hat dit yn it omtinken fan it kolleezje te bringen.
Foar it oare giet hy wol akkoart mei it útstel.
De hear Oosterhof seit dat hy merkbite kind hat dat de stimming
tsjin dy fan in pear jier ferlyn oer hielendal omslein is. De
foarsitters fan Pleatslik Belang en de iisklub lieten hiele oare
lûden hearre as de hear Van der Baan. Hy tinkt dat it plan oer't
generaad goed yn Terherne telâne komt.
Hy freget omtinken foar de sitewaasje run Akkerman. Der sil nei
dy man dúdlikheid komme moatte, omt hy no nei alle kanten
beheind wurdt yn de útfiering fan syn bedriuw.
De hear Renia is it wol yn grutte linen mei de hear Van der Baan
iens. Doe't it T.R.A.P.-plan oan'e oarder wie hat hy sein dat ek
de befolking der goed by belutsen wurde moast.
Hoewol't elk it der wol oer iens wie dat der wat barre moat
roppe soksoarte plannen argewaasje op. Réaksjes wiene dan ek wol
te ferwachtsjen. Gelokkich is der wol harke nei it doarp. De
algemiene stimming op'e léste harksitting like posityf.
m nav