-16-
Frou Veldstra seit dat troch in preemje fan it ryk it no mooglik
is de wurkleazens te ferleegjen troch it opsetten fan dizze
banenpool. Wurkleazen krije sa de kans wer diel te nimmen oan it
arbeidsprosesDe finansiering fan dit projekt komt tydlik út it
werkgelegenheidsfûns en sil yn'e takomst as in strukturele post
op de begrutting komme moatte. Fan'e mooglike dielnimmers út'e
kollektive sektor is it grutste part posityf. Wat har fernuvert
is dat de gemeente seis gjin mooglikheden sjocht om arbeids-
plakken te kreëarjen.
Om hokfoar reden dit is is sy net gewaar wurden. De F.N.P.-
fraksje is fan betinken dat dit banenplan net ten kosten gean
mei fan'e W.S.W. Minsken dy't yn in sosjale wurkpleats wurkje
meie net ferdreaun wurde troch banenpoolers.
Se freget oft it al bekind is of de subsydzje fan it E.S.F.
takind wurdt.
Ek is se nijsgjirrich nei eksperimenten fan banenplannen yn oare
gemeenten.
Har fraksje kin ynstimme mei it útstel en se winsket de
Stichting Perspectief in protte sukses ta.
Frou Santema seit dat dit útstel ta gearwurking yn'e Stichting
Perspectief it slútstik foarmet fan alle regelingen dy't bedoeld
binne om wurkleazen wer oan it wurk te helpen. Se freget oft
banenpoolers yn itselde wurkgebiet sitte as Westergo. Is der al
oerlis west. It liket har ta dat de gemeenten de útfierders
binne en foar de koördinaasje soargje moatte. It binne ek de
gemeenten dy't banen feilichstelle kinne troch bestjoerlik druk
út te oefenjen sadat banen dy't W.S.W.'ers hawwe der ek foar
harren bliuwe. Se wol noch oanrikke dat der gâns in stik
underfining sit by Westergo.
Lit Persepctief der gebrûk fan meitsje.
De hear Velstra seit dat syn fraksje tige ynnommen is mei it
útstel. De opset om minsken in opstapke te jaan foar it finen
fan in baan sprekt him oan.
Der sil yn'e takomst om tocht wurde moatte dat de reguliere
arbeid hjirtroch net ferdrongen wurde. Der bestiet eangst foar
konkurrinsje mei de W.S.W. Net unterjochte omt de wurkterreinen
elkoar oerlaapje. Misskien soe de administraasje ek by it W.S.W.
ûnderbrocht wurde kinne.
Ek soene banenpoolers ynwurkje kinne yn'e sosjale wurkpleats. De
gemeente docht net mei oan'e banenpool. Hy fynt dat der nochris
kritysk nei sjoen wurde moat. Hy hopet dat banenpoolers yn'e
takomst trochstreame kinne nei de gewoane arbeidsmerk.
Wethâlder Bloem seit dat ek it kolleezje bliid is mei dit
útstel. Yn'e praktyk sil, nei alle foarwurk dat no dien is, noch
bliken dwaan moatte wêr't de problemen sitte.
It giet om minsken dy't alhiel net bemiddelber binne. Wat dat
oanbelanget sille we mei de fuotten op'e grûn stean bliuwe
moatte. Der sil goed sjoen wurde moatte nei trochstreammooglik-
heden.