-18-
De twivelridigens fan it kolleezje oangeande De Twine duorret
fiersten te lang. Lykwols bliuwt it frjemd dat P.v.d.A. en V.V.D.
dy't yn't earsten de oplossing fan it probleem yn de privatisearring
sochten no ynienen wat oars foarsteane. It tsjut yn alle gefallen
net op in konsistinte en adekwate oplossingstaktyk. It ûnderstreket
it swalkjende belied fan de beide partijen.
De mearjierrenbegrutting sil oanpast wurde moatte no't it bestjoers-
plan der yn earsten net komt. Dat de wegen dan minder ûnderhâld
krije sil dochs nije problemen jaan.
Oan it kolleezje hat de F.N.P.-fraksje yn juny fan dit jier frege om
wat ynsjoch te jaan fan de ûnderssykrisseltaten oangeande de wize
wêrop de amtners de organisaasje belibje. It wie spitich dat wy
fernimme moasten dat it healjierlikse "audit" net hâlden wie omdat
no net dúdlik makke wurde koe yn hoefier't de organisaasje
ferbettere is. Wy achtsje it fan it grutste belang dat der sa gau
mooglik rapportaazje datoangeande oan de ried dien wurdt.
Wat it miljeubelied oanbelanget kin it kolleezje op ús stipe
rekkenje omdat wy soks by foarrang behandelje wolle. Us âlde winsk
it oanpassen fan de bestimmingsplannen komt aardich skot yn en soks
jout de dúdlike kaders foar in ferantwurde planning dêr't en amtners
en ek boargers mei út de fuotten kinne.
De ferheging fan de fearjilden rint foarút op it beliedsplan. Wy
achtsje soks bestjoerlik net korrekt. Boppedat soe de bewenners fan
de Bird tasein wêze dat der gjin feroarings yn de fearjilden
plakfine soene salang't der gjin beslút oer de Bird nommen is. Yn
dat gefal heart de oerheid him oan dy ôfspraken te halden.
De F.N.P.-fraksje hat nea de privatisearring fan it grienbehear
foarstien. No't it lykwols dy kant al opgiet dan fine wy dat soks
folslein moat omdat dan de ferantwurdlikens foar dat behear dúdlik
op ien plak leit. Twaslachtigens datoangeande liedt ta ûntroch-
sichtich belied.
Wurdearring hawwe wy foar de reinigingstsjinst dêr't in goede
gearwurking tusken befolking en oerheid fûn is. Wy soene wolle dat
de wurdearring op mear terreinen sa dúdlik te merkbiten wie.
Wichtich is dat der ek yn ús gemeente wol it ien en oar ta stân
komme kin, at de oanjûne lijn mar dúdlik is.
Dochs soene wy wolle dat de tsjinstferliening ferbettere wurde koe
troch it oanbieden fan de ôffal op de Blikpôle op mear oeren en
dagen mooglik te meitsjen. Datselde soe ek jilde moatte foar de
iepeningstiden fan it gemeentekantoar
De koarte iepeningstiden meitsje it foar in protte lju tige lêstich
in gaadlik momint te finen nei it kantoar te kommen.
Oangeande de offalstoffenheffing soene wy wolle dat op dat punt it
profytbegjinsel jilde soe.