-23-
De hear Renia seit dat krekt it feit dat syn fraksje nee sein hat
tsjin it bestjoersplan de oanlieding west hat om no te kommen mei dy
dingen dêr't neffens him oerienstimming oer bestiet. Dat is yn it
foarste plak it reparearjend belied. De foarsitter hat yn syn
réaksje oan'e brede strategyske fisy ek de wurkgelegenheid keppele
en dat is neffens him terjochte. De strategyske fisy moat in
ûnderdiel wêze fan it totale wurkgelegenheidsbelied wêrby ek lânbou
en yndustry in rol spylje moatte. Mar dat is dan wol wer rjochte op
ien part fan'e trije slach: Wenjen, Wurkjen en Rekrearjen. De fisy
fan syn fraksje foar de takomst hat fral it wenjen as útgongspunt.
Gelokkich sil de ynbring fan'e ried meinommen wurde by it opstellen
fan'e nije fisy. Hy hat yn syn petear omtinken frege foar de sosjale
fernijing en de doarpsfernijing.
Mei it útstel oangeande de brânwar giet syn fraksje akkoart. Fierder
oerlis mei alle groepearrings sa't it kolleezje dat no ek wol stiet
hy achter lykas mei it feit dat de jachthavens net ferkocht wurde
sille. Syn fraksje wol noch mear dúdlikheid fan it kolleezje oer it
kuierpaad. Fanút de stellingname yn'e 4e ôfdieling seit hy dat it
kuierpaad der komme moat.
Ofrûne maitiid hat it kolleezje tasein te besykjen it platfoarm foar
it Frysk fan'e grûn te krijen. Hy hat der oant no ta net folie fan
fernaam. Fierders is doe ek sein dat der yn'e le ôfdieling ris praat
wurde soe oer wêr de gemeente it Frysk brüke kin. Heffens him hat ek
dat net plakfûn.
Syn fraksje fynt ek dat der op koarte termyn in oplossing komme moat
foar de sporthal. Hy wol derby noch sizze dat syn fraksje nea de
dtspraak dien hat dat de sporthal privatisearre wurde moatte soe.
De hear Breeuwsma is bliid mei de dtspraak fan it kolleezje
oangeande de brânwar fan Raerd. Hy hat lykwols noch net heard dat
der 3 brânwarkorpsen bestean bliuwe moatte.
Hy krige de yndruk dat it de bedoeling is dat meielkoar wurke wurdt
oan it bystellen fan it bestjoersplan. Mei de klam op: meielkoar.
Hoewolt hy leaver hat dat eat struktureel ynfold wurdt kin hy der
dochs wol achter stean dat it kuierpaad oanpakt wurdt no't it kin.
Syn fraksje fynt dochs wol dat it kolleezjewurkprogram werskreaun
wurde moat. De romte fan 1,5 miljoen dy't der fûn wurde soe is der
net omt it bestjoersplan fan'e tafel reage is.
Hokfoar wichtige eleminten fan finansjele aard binne dan wol ta
útfiering kaam? Hy hat se net fine kind. Hy hat hiel faak fan
minsken heard dat it ferskriklik lang duorret foardat men bygelyks
in bouterrein krije kin. Ek bedriuwen ûnderfine dat. Jou de minsken
in stoel, in bakje kofje en faaks in sigaar en lit harren fiele dat
se wolkom binne en dat der fan alles dien wurdt om it harren nei it
sin te meitsjen.
As goed foarbyld neamt hy de gemeente Skarsterlân.
Hy hat oars net neamd as de tariven fan de û.g.-belêsting dy't de
heechste fan'e regio binne, útsein de gemeente Ljouwert. De trije
heechsten dêrnei binne Boarnsterhim 15,en 0,61), Franekera-
deel 15,en 0,35) en Littenseradiel 14,en 0,15).
Hy fynt dat der in soad tiid en jild bestege wurdt oan plannen lykas
De Burd.
0126V
