-38-
De hear Oosterhof tinkt dat de termyn fan 5 jier wol ris te
koart wêze kin om jild fan'e bank te krijen.
Hy tinkt dat by it ferlienen fan it rjocht fan opstal foar in
bepaalde termyn wol de betingst opnommen wurde moat dat it gebou
nei ôfrin fan'e termyn net foar boekwearde oernommen hoecht te
wurden. Oars kin better it erfpachtrjocht nommen wurde.
De hear Breeuwsma tinkt dat it rjocht fan opstal altiten in wat
wankel rjocht is. Hy is it der wol mei iens dat it rjocht ûnder
foarbehâld steld wurdt.
Op in termyn fan 5 jier is neffens him gjin finansiering te
krijen. Hy stelt út om it rjocht fan opstal sa te ferlienen dat
it opsisber is.
Wethâlder Bloem is bang dat mei it ferlienen fan rjocht fan
opstal únder bepaalde betingsten de sekerheid, dy't nedich is
foar de finansiering ûnderúthelle wurdt.
It kolleezje is it mei de Stichting Kinderopvang iens dat it
hjir wol giet om in gemeentlik belang.
Se kin net sa goed ynskatte yn hoefiere de belangen meielkoar te
ferienigjen binne sünder dat de mooglikheden ta finansiering yn
gefaar brocht wurde. Se tinkt dat it goed is om dêr noch wolris
nei te sjen.
De hear Oosterhof kin wol ynstimme mei it rjocht fan opstal mar
dan sünder de ferplichting de saak weromkeapje te moatten nei it
ofrinnen fan de termyn. Hy soe dan leaver kieze foar it
erfpachtsrjocht.
De hear Van der Baan wol dat de garânsje kreëart wurdt dat der
altyd, as it wêze moat, beskikt wurde kin oer de grûn. Hy fynt
wol dat de ried yn dizze sitewaasje aardich foar't blok setten
is en dat it mooglik ek noch in protte jild kostje sil.
Hy wol dat it útwurke plan as it klear is noch wol oan'e ried
foarlein wurdt.
De hear Breeuwsma seit dat it der om giet dat de gemeente, no
net syn grûn útjaan moat dy't hy letter miskien wer nedich hat.
De gemeente moat as it nedich is de grûn tsjin in fergoeding
werom krije kinne. Dat moat fêstlein wurde by it rjocht fan
opstal.
Wethâlder Bloem seit dat sa't de hear Breeuwsma it ferwurde hat
it ferwurke wurde sil.
De útkomst dêrfan sil foar de kommende ried by de stikken op
besjen lizze.
Vervolgens wordt zonder hoofdelijke stemming conform het
voorstel besloten.
De heer Oosterhof wil geacht worden te hebben tegengestemd.