-44-
Met de besteding van het resterende bedrag van 2.600/heeft
haar fractie geen probleem.
Mefrou De Boer seit dat har fraksje ynstimme kin mei it útstel.
It ferfiersprojekt is in goed plan. Meardere groepen kinne der
gebrûk fan meitsje. Ek is it hiel wichtich foar de
deifersoarging yn Leppehiem en Nij Friesmahiem.
It is wol frjemd dat W.V.C. mei it bedriuwslibben in koarting
fan 2.000/it plak ôfakkoardet. It giet dan om sawol de
profit- as de nonprofitsektor. No wurdt dit de gemeente oplein
wylst dy der gjin jild foar hat.
Har fraksje kin dêrom wol mei it útstel oangeande de berne-
opfang ynstimme.
Mefrou Santama fynt it ferfiersprojekt in tige posityf plan.
Yn'e lytse kearnen en yn ferbân mei doarpsfernijing is der al
faak oer praten. Se fynt dat de ferbinings net allinne nei Grou
en Akkrum geane moatte mar it moat foar alle doarpen jilde.
Foarwurk hat wol it foartou nommen ta dit projekt mar dat hoecht
noch net te sizzen dat dy ek it measte gebrûk meitsje moat fan
it projekt. Just de alderen hawwe grut ferlet fan dizze ekstra
ferbining.
Dat wy no 30.000,jaan moatte soene oan'e berne-opfang is it
gefolch fan wat ús troch it ryk oplein is. Har fraksje kin wol
ynstimme mei it útstel om dizze 30.000,út'e sosjale
fernijing oan'e berne-opfang te jaan.
De hear Van der Baan hat him der oer fernuvere dat hjir samar
60.000,lizzen bliuwt. Op oanstean fan'e gemeente is der in
fûns foarme troch De earme kant fan Boarnsterhim omt de sosjale
tsjinst stelde dat it jild dat der beskikber wie foar de
krepeargefallen net foldwaande wie. Benammen ek de tsjerken
moasten in soad jild yn dat fûns stekke. In 28 diakonieën hawwe
meielkoar 6.500,7.000,byelkoar krigen.
Hy freget him of oft no dit jild foar bysûndere bystân wol goed
bestege wurdt. Hy tinkt dat de wethalder datoangeande hiel wat
út te lizzen hat en har sa gau mooglik yn ferbining stelle moat
mei De earme kant om alles dúdlik út te lizzen.
Hy freget him echt of oft it jild net brükt wurde kin foar de
krepeargefallen dêr't it yn't foarste plak foar bedoeld is. Wie
it echt net mooglik nochris de kaartenbak bylans te gean om te
sjen wêr't help hiel nedich is. Is it ek net mooglik it jild oan
it fûns fan De earme kant fan Boarnsterhim te jaan?
Hy hat fernommen dat de bus fan it ferfiersprojekt der al is en
as dat echt sa is dan freget hy him of hoe't dat no kin. Hy
kriget dan de yndruk dat it jild ek net sa needsaaklik is foar
it ferfiersprojekt.
Mei de 30.000,foar de berne-opfang giet hy net akkoart. Hy
fynt dat de saak suver steld wurde moat. Berne-opfang en sosjale
fernijing it liket allegear prachtich, mar it rint net sa bést
mei de berne-opfang, der is minimale belangstelling. It útstel
fan it C.D.A. is him folie leaver en dat sil hy dan ek stypje.