-6-
Wurkjen.
De strategyske fyzje út it konsept-bestjoersplan jout oan de iene
kant wegen oan om te kommen ta it ferbetterjen fan de wenomjouwing,
oan de oare kant wiist it oan hokker kant wy út moatte om mear
werkgelegenheid nei ús gemeente te heljen en hoe't mear toerisme ek
in bydrage jaan kin ta it yn stân hâlden fan foarsjennings as
winkels en rekréaasjefoarsjennings.
Plannen oer it ferbetterjen fan de wenomjouwing en it iepenlizzen
fan ferbinings oer it wetter, dêrfan soene wy dochs graach in
hifkjen sjen, yn oerlis mei de ynwenners.
Dêr wêr't de strategyske fyzje yngiet op de mooglikheden fan
wurkgelegenheid yn de rekréative sektor, tinke wy dat men dit
ûnderbringe moat yn it toeristysk-rekréatyf-aksjeplan, dat wer in
diel is fan in mearomfetsjend wurkgelegenheidsbelied.
Want der binne fansels mear mooglikheden foar wurkgelegenheid. We
hawwe ommers noch in tal yndustrieterreinen lizzen op goede
lokaasjes. We hawwe ek noch in grutte sektor lânbou.
Lizze hjir gjin mooglikheden op it mêd fan de agrifikaasje, fan de
mi1j eu-yndustry
In goede namme op it miljeumêd hawwe we al. Allinnich gokke op de
rekréaasje liket ús wat smel. By de wurkgelegenheid moatte we
fansels trochgean mei in ynfoljen fan alle mooglikheden dy't der
binne om minsken oan wurk te helpen.
Jeugdwurkgarânsjeplannen, banenpools, mar ek Foarwurk kinne goed
wurk dwaan of dogge dat al.
In goede berne-opfang makket diel út fan in wurkgelegenheidsbelied
sa't ús dat foar eagen stiet.
Rekréaasje.
Rekréaasje moat tasnien wêze op ús doarpen en ús wetters. De doarpen
moatte as goede gasthear de gasten ûntfange kinne en dat mei nocht
dwaan
Hjir boppen is der al it ien en oar oer sein. Dêrneist kinne in
oantal lokaasjes foar grutskaliger en heechkwalitative rekréative
foarsjennings oanwezen wurde.
De strategyske fyzje ûnderskriuwe wy op dat punt. Omtinken sil
neffens ús ek jûn wurde moatte oan it kulturele toerisme. Moaie
doarpsgesichten, musea, fytsrûtes, dat alles kin oanbean wurde. Yn'e
mande mei de V.V.V. binne der grif plannen te meitsjen. It Frysk is
derby in wichtich ûnderdiel fan dizze kultuer. It bepaald foar in
grut part de eigen sfear fan dit gebied.
Undersyk wiist út dat it mei ien fan de redenen is dat minsken nei
Fryslân komme. We soene der ris positiver mei omgean moatte. Faaks
binne it allinnich de Friezen seis dy't benaud binne foar it Frysk.
Ynvestearjen yn ús doarpen betsjut mei it each op it kultureel
toerisme ek ynvestearjen yn ús monuminten. Ek yn de lytse.
It bestjut bygelyks ek dat der better tasjoen wurde moat op it
oansjen fan histoaryske gevels.
Woekerje mei wat we hawwe op it mêd fan wenjen, wurkjen en
rekreëren. Dêr wêr mooglik en needsaaklik yn de mande mei oaren
lykas provinsje en stêdsgewest.
