- 7 -
It Fryske Gea sil der foar stride om dat wat se yn hânnen
hawwe net wer los te litten, mar dat is de bedoeling net fan it
útstel fan it kolleezje. Der wurdt socht nei in kompromis en hy
fynt dat de gemeente hiel dúdlik wêze moat. Hy wol in hurde
tasizzing dat in bestimmingswiziging mooglik wêze sil en oars
net meiwurkje oan it ynfollen fan it nije bestimmingsplan. Dy
hurde opstelling mist hy yn it kolleezje-útstel.
De hear Oosterhof is it hielendal mei de hear Breeuwsma iens.
Hy wol mear sekerheid hawwe oer de mooglike funksjewiziging.
De hear Van der Baan seit dat hy it fan grutte betsjutting fynt
dat Grou ek op rekreatyf mêd syn poarsje nimt.
Pleatslik Belang, VVV en winkeliersferiening hawwe dúdlik steld
dat sy it fan grut belang achtsje dat op de Suderburd in stik
rekreative ûntjouwing komt. Maatskiplik sjoen leit der dus in
breed draachflak. Hy tinkt dat dit plan de iennichste manier is
om dat te berikken. De bewenners fan Grou sille der o sa fan
provitearje as der deirekreaasje op'e Suderburd mooglik wurdt.
Om reden dat minsken út Grou as se no nei it wetter wolle nei
Terherne as nei Makkum moatte fynt hy it fan it grutste belang
dat de Suderburd in rekreative bestimming krijt, sadat de
Grousters ek yn harren eigen wenplak by it wetter rekreearje
kinne. Hy warskôget it kolleezje derfoar dat op dit momint al by
de miljeugroepen it wyt foar eagen stiet wat De Burd oanbelan-
get: dat moat natuergebiet wurde. As de gemeente der net foar
soarget dat de Suderburd direkt in rekreative bestimming krijt
sille de miljeugroepearrings dat tsjinkeare mei alles wat yn
harren fermogen leit.
Wat de pont oanbelanget draait it kolleezje as in kat om'e hite
brij hinne. Der is nammentlik mar ien mooglikheid om ta ûntwik-
keling fan De Burd te kommen en dat is as der in garânsje komt
dat de pont bestean bliuwt mei de hjoeddeistige fartiden oant it
momint ta dat de léste boer fan it eilân ferdwûn is. De bewen
ners fan De Burd wolle perfoast witte hoe't it komt. Dat kin net
wachtsje oant de behanneling fan it bestjoersplanFeroaring fan
fartiden is net ferantwurde yn ferbân mei in goede bedriuws-
fiering en de sosjale kontakten ensfh.
Hy stelt út dat salang't der bedriuwen op De Burd binne de
ponttiden en de tariven net feroare wurde.
It giet mefrou Santema fiestente fier dat de hear Van der Baan
allinne mar foardielen sjocht foar de bewenners fan Grou wylst
it neffens har om hiel Boarnsterhim giet.
De hear Renia seit dat de hiele rie it deroer iens is dat der
dúdlikheid komme moat oer De Burd en dat der wissichheid
komme moat oer it stik rekreative ûntwikkeling dat dêr komme
moat. Hy wit net yn hoefiere de tasizzings fan Deputearre
Steaten genôch binne, mar hy lit dat graach oan it kolleezje oer
om dat te beoardielen. Hy wol lykwols wol dat it goed komt, 5
jier yn'e rie hat him wol leard dat moaie wurden net genôch
binne: as de saak net skerp steld is wurde jo dochs wol wer
besodemietere
As hy it goed begrepen hat wurdt der yn it ramt fan'e wersjen-
ning fan it streekplan wurke oan in oare ynfolling fan dit
gebiet. Wat is it neidiel fan it foarútskouwen fan in beslissing
sa't de hear Breeuwsma dat wol.
Oer Trijehûs hat hy de wethâlder noch net heard.
It hanthavenjen fan'e ponttariven is fansels ûnsin. Oer it
bestean bliuwen fan'e pont hat hy al dúdlik west.
NOTFEBJUC/H.7