- 3 -
Wethâlder Nieuwdam konstatearret dat der krityske lûden binne
oangeande de ferkeap fan dizze grûn, benammen út'e hoeke fan
F.N.P. De F.N.P. wol hielendal opnij begjinne. Hy is it dêr net
mei iens. De hear Vellinga hat oanjûn dat hy om in tal redenen
it plan net útfiere kin yn ien kear. It brief fan 6 febrewaris
is dêr ek hiel düdlik yn dat hy sûnder mear fan doel is om ana-
looch oan'e opsje op den doer it plan folslein út te fieren. De
skepsis dy't der is oangeande de hear Vellinga dielt it kol-
leezje net. Yn it earste riedsbeslút is der allinne mar praat
oer in sealakkommodaasje foar 300 minsken en binne der fierder
gjin beheinende bepalingen opnommen. It útgongspunt fan in seal
foar 300 minsken bliuwt gewoan oerein. Allinne in boetebeding is
fansels net foldwaande, der sil ek in tiidslimiet oan fêst sitte
moatte. Hy wol graach yn'e tredde ôfdieling de ferkeapakte be-
sprekke. De hear Vellinga hat oanjûn dat hy no net in fêst poa-
dium der delsette kin. Mar hy hat yn'e tredde ôfdieling genôch
düdlik makke dat hy de fêste toanielakkommodaasje ek meitsje
sil. It giet hjir om in meidieling en as de ried wat oars wol
sil it riedsbeslút ynlutsen wurde moatte. Hy fielt dêr net foar
omt hy dan ek it ien en oar fan'e ûndernimmer ferwachtet.
Mefrou Zijlstra seit dat har fraksje útgiet fan'e goede yntinsje
dy't sprekt út dizze meidieling en itjinge de wethâlder sein
hat. It liket har hiel goed dat yn'e tredde ôfdieling besjoen
wurdt oft yn de ferkeapakte wol de betingsten opnommen binne
dy't de ried no stelt en dat dan it beslút nommen wurdt om de
ferkeap trochgean te litten.
De hear Breeuwsma seit dat hy fynt dat der foar it boetebeding
seker net in langere tiid as 5 jier nommen wurde moat. Der komt
de ûndernimmer gjin kwea fan oer, want as hy gewoan syn ferplich-
tingen neikomt is der neat oan'e hân.
De hear Van der Baan seit dat it wol sa is dat de takomstige
eigener seit dat hy it plan net útfiere kin. Dan is der dus wol
düdlik sprake fan in folslein nij plan. Hy hat der grutte beswie
ren tsjin dat de kommisje net ynljochte is oer dit nije plan.
Sa't it no is komme we yn in folslein nije sitewaasje en syn
fraksje kin dan ek net meigean yn dizze ferkeap.
Oan in tasizzing fan de hear Vellinga om op den doer in fêste
toanielakkommodaasje te meitsjen moat dan wol seker in boetebe
ding fêstkeppele wurde. Yn de tredde ôfdieling hat de hear
Vellinga ek gjin tasizzing dien. Dan bouwe we hiel düdlik op
driuwsân as we mei de hear Vellinga yn see gean. Hy fynt it ek
opfallend dat by de stikken it brief fan Pleatslik Belang net
oanwêzich is. Pleatslik Belang hat ek beswieren makke. It giet
de minsken om in goede toanielakkommodaasje en dy ûntstiet der
net. As dit plan sa trochgean soe geane we op de ferkearde wei.
Alle plannen dy't der oant no ta west ha moatte wer neist elkoar
lein wurde en de sitewaasje moat op'e nij besjoen wurde. We
moatte dus fanôf in nulsitewaasje begjinne. Hy fynt dat it
beslüt mar ynlutsen wurde moat.
De hear SBouma is it net mei de hear Van der Baan iens dat it
hjir giet om in folslein oar plan, de plannen binne allinne wat
lytser fan opset. De hear Vellinga kin foldwaan oan'e ütgongspun-
ten. It feit dat der dan earst in demontabel toaniel komt hâldt
net yn dat der gjin knap toanielstik opfierd wurde kin. Der
wurdt al sa lang praten, it is no tiid troch te pakken.
NOTULEN.MRT/H/3
