- 3 -
Nummer 27a en 27b:
De hear G. Bouma stelt út om it útstel no te behanneljen.
De hearen Van der Baan, Breeuwsma en S. Bouma stypje dit útstel.
De voorzitter constateert dat deze zaak direkt zal worden behan
deld.
De hear G. Bouma jout in koarte taljochting. Ein ferline jier
krige de ried te meitsjen mei de V.M.A.-útstellen. De ried hat
doe unanym besluten om de tariven fan de lisplakken te ferheeg-
jen. Achterôf moat hy mei skamte fêststelle dat dy ferheging te
stüf giet. Syn fraksje fynt dat de 60% ferheging fasearre
ynfierd wurde moat. Foar 1992 20% ferheging ensafuorthinne oant
de 60% berikt is. Dit mei it each op de kwaliteit fan'e foarsjen
ning. Oangeande de lisplakken foar de brêge yn de Groundaam
waard ek it taryf fan'e iepen, frije lisplakken hantearre. Nei
syn betinken net terjochte omt it lisplakken oanbelanget
wêrfoar, los fan'e wetterstân, net as hast gjin foarsjennings
beskikber binne. Hy wol as it útstel oannommen wurdt foar de
minderopbringst dy't dan ûntstiet de reguliere reserve binnen de
begrutting 1992 brüke. Ommers as net ferline jier ta taryfsfer-
heging besletten wie der ek gjin mearopbringst west. It liket
him wol goed dat de ferheging foar 1993 (20%) yn oerlis mei in
delegaasje út'e groep hierders, analooch oan wat by it akwadukt
bard besj oen wurdt om te sjen oft de ferheging fan it taryf
ridlik is. Hy tinkt dan foaral oan'e lisplakken dêr't te min
djipgong is om mei de boat oan'e wâl te kommen.^ Hy ropt alle
hierders op wol de hier te beteljen sa't dy jûn fêststeld wurdt.
As it needsaaklik is kin dan restitúsje as in kwalitative ferbet-
tering fan it lisplak frege wurde. Dizze groep kin dan ek wake
foar in goede kwaliteit fan'e lisplakken.
It fernuvert de hear Breeuwsma wol in bytsje dat de fraksje
fan'e P.v.d.A. it útstel direkt behannelje wol. Hy hie dochs
earst ek wolris ôfwachtsje kinnen wat it kolleezje der fan fynt.
Hy fynt eins dat dit ferhaal mear yn'e ôfdieling thúsheart. Dit
is fansels in wichtige saak foar minsken dy't in boat hawwe. De
hierferheging sa't dy ein ferline jier fêststeld is kin sa net
fine de minsken út Grou dy't harren no openearje. Syn fraksje is
fan betinken dat besluten net te gau werroppen wurde moatte. De
ûnderfining dêrmei de léste tiid is net al te bést. De minsken
dy't oan'e Groundaam lizze, oer it generaal lytse boatsjebesit-
ters, binne wol ûnevenredich swier troffen. Hy soe de taryfsfer-
heging foar harren fasearre ynfiere wolle en dat der wat dien
wurdt oan'e foarsjennings. Hy is it fuortendaliks net iens mei
de dekking sa't de hear Bouma dy oanjout, hy soe dér graach ris
yn'e ôfdieling oer prate wolle.
De hear S. Bouma fynt it in prima kompromis fan'e fraksje fan'e
P.v.d.A. Hy hopet dat it ek finansjeel-administratyf op koarte
termyn ófdien wurde kin.
De hear Van der Baan konstatearret dat de ried yn desimber 1991
by it niramen fan dit beslút sitten hat te sliepen. It fernuvert
him dat de P.v.d.A. no wol in feroaring wol. Doe't de F.N.P. dér
earder ek al oer begûn wie hy de opstoker. No, foarút dan mar,
it komt no teminsten wer op tafel. It útstel sa't dat no foar-
leit is mear befredigjend.
NOT7JULI/IA/3