- 11 -
Mar ek it "gemeentewurk" freget it protte en hat jo hert, de
minsken witte jo te finen. De kombinaasje fan dy twa "hobby's"
is jo somtiden swier fallen en no is it foar jo it momint om mei
klam te kiezen foar jo wurk yn Ljouwert. Wy sille jo ynbring, jo
fêste 'utdrukkings (sa simpel as goeiedag) misse, want as ik
weromsjoch kin ik wol stelle dat jo in tige warber man west ha
en net allinne yn ferbân mei saken dy't direkt út jo eigen "por
tefeuille" fuortkamen. Sa kin ik neame: lid regioried, lid
stjoergroep MSU en dêrfan ek db-lid, lid earste ôfdieling, lid
fan fersate ad-hockommisjesdy't ûnder oaren mei sealen, ûnder-
wiis as rekreaasje te krijen hiene. En hear Bouma, meastal wie
it sa dat as jo earne ynsitte, yn hokker kommisje dan ek dan
wist men dat en koe men him mar skrapsette. Jo stim wie dúdlik
te hearen en de oare dielnimmers koene net om jo hinne. Unôfhink-
lik fan it úteinlike risseltaat (want de ried nimt de besluten)
ha jo der tinkt my ta bydroegen dat foar jo wichtige saken fan
alle kanten beljochte binne ear't it ta de beslútfoarming kaam.
Tige tank dêrfoar. Hear Bouma, jo starten yn 1978 as riedslid
anneks fraksjefoarsitter yn Idaerderadiel en doe ik dêr by
stilstie betocht ik dat de klub fan'e "oudgedienden" hyltiten
lytser wurdt. Troch jo ôfskie wurde in tal saken noch wer ris
dúdlik. Oan'e iene kant de spanning dy't der sit yn'e kom
binaasje fan riedswurk en maatskiplike funksjes. Dat is punt fan
omtinken foar ús as ried mar ek foar de polityk yn it generaal.
Dan giet it om de fraach hoe riedswurk te kombinearjen mei in
maatskiplike funksje. Want dat sa'n kombinaasje nei beide kanten
ta winsklik is dêr binne wy it allegear wol oer iens tinkt my.
It oare wat dúdlik wurdt, ik neamde it al, is it feit dat de
langsitters ferdwine. Dat is benammen in opjefte foar de
polityk, om ünderfining en kontinuiteit te keppeljen oan feroa-
ring en roulaasje. Hear Bouma, it is moai te witten dat immen in
bepaalde leafde hat foar bygelyks in plak. By jo is dat Grou,
foar alle dúdlikens. Ik bin bliid dat der safolle mooglikheden
binne om dy leafde foar Grou om te setten yn in presint. It
presint wêrmei wy ús tank foar al jo aktiviteiten ta utering
bringe wolle. Tige tank."
De hear SBouma seit dat de hear Bouma yn 1978 it jongste
riedslid fan Idaerderadiel wie en fuortendaliks fraksjefoarsit
ter. Dêrút sprekt wol belutsenheid dy't oant no ta hyltiten
fielber west hat. Ek syn saakkundigens kaam altiten dúdlik nei
f oaren. De hear Bouma kin haad- en by saken skiede en hat each
foar de proseduere. Ek is sprekkend syn twang om yn kommisjes te
sitten, fral as it om rekreaasje en dingen dy't it doarp oan-
giene gong. Hy hat ien kear mei de hear Bouma yn in kommisje
sitten dy't de tapaslike bynamme krige "de kommisje Bouma" en it
rapport dat doe útbrocht is krige de namme "Hawar, it koe min
der" betocht troch de hear G. Bouma. Koartlyn woe hy noch wer in
kommisje oprjochtsje om it riden en f arren yn'e haven ris te
besjen, want hy hie in pear dagen mei de boat yn'e haven lein en
dat hie him gjin sint koste. De hear Bouma hat lésten yn in in
terview mei de lokale omrop sein dat it riedswurk him trije da
gen yn'e wike kostet. Yn kombinaasje mei in drokke baan en in
gesin is dat net fol te hâlden. It hat in goed oerwûgen kar west
fan de hear Bouma. As blyk fan wurdearring en foar de goede
gearwurking oerlanget hy út namme fan'e ried in moai boeket
blommen.
N0TU1.SEP/H/11