- 12 -
De hear G. Bouma seit:
As jo nei 14 jier ophâlde mei it riedswurk is dat reden om efkes
stil te stean by saken dy't dêr mei te meitsjen hawwe. Ik wol
begjinne mie de opmerking dat ik dit wurk mei nocht dien ha en
dat ik it faken noch misse sil.
Om riedslid te wêzen moat men ré wêze om him of har foar de
mienskip yn te setten en dit yn meardere of mindere mate op grûn
fan in politike oertsjoeging.
It benearjende fan de sitewaasje hjoed-de-dei is, dat hieltyd
minder minsken ré binne harren foar "it mienskiplike" yn te
setten.
Dit knypt te mear, om't út ûndersyk bliken docht dat de minsken
hieltyd mear fan de oerheid (polityk) ferwachtsje. De yndividu-
ele belangen fiere de boppetoan. Fan mienskiplike belangen is
allinne dan noch folop sprake as men meiïnoar skeind wurdt yn'e
yndividuele belangen.
Ek troch ús yn Boarnsterhim wurdt in soad praat en neitocht oer
de ôfstân tusken de ynwenners en harren bestjoer.
Iepenbiere fraksjegearkomsten troch de hiele gemeente, témajünen
mei belangegroeperingspetearen mei bestjoeren fan ferienings
foar pleatslike belangenen en oare ferienings, neam mar op.
Faken komme allinne dyjinge dy't yn harren belang oantaast wurde.
It spytige fan dizze üntjouwing nei in fierdergeande yndividuali-
searring is, dat it ten koste giet fan de meast kwetsbaren yn'e
mienskip.
Dit moat in kontinue soarch wêze en bliuwe foar bestjoer en
polityk. It is de ferantwurdlikens fan alle politike partijen om
(yn oparbeidzjen?dizze üntjouwing te kearen, om't it, sa hat
de skiednis ús leard, in bedriging betsjut foar de demokraty.
Dizze trend hat ek ynfloed op de réwilligens fan minsken om har
ren yn te setten foar de mienskip en it mienskipsbelang (Rie,
kommisjes en bestjoeren fan ferienings).
It kin hast net oars, as dit giet ten koste fan de kwaliteit fan
de bestjoersorganen: wa't him beskikber stelt is daliks ek
bestjoerder. Benammen foar demokratyske politike groeperings is
dit in soarchlike üntjouwing. Wy sille besykje moatte, ek bûten
de partijen, minsken te motifearjen om harren foar "it mienskip
like" te ynteresearjen en yn te setten.
Ek yn ús gemeente is nei myn betinken sprake fan in proses fan
kwalitatieve nivellering oangeande de politike en bestjoerlike
beslútfoarming. Earder wie it bygelyks gewoan sa dat de disk
usje, ek binnen de Rie, in bijdrage foarme ta in better beslút.
No wol de "diskusje" him wolris beheine ta it swart meitsjen fan
de oar en mei namme troch de klam te lizzen op de negative ele
menten. Soks ûndergraaft fansels in goede beslútfoarming en jout
in negatyf imago fan'e polityk.
Spitigernôch is it dêrby sa, dat de opdiene ûnderfining yn'e Rie
en seis yn it Kolleezje, net altyd ferheging fan de kwaliteit
fan it funktioneren as riedslid teweech bringt.
N0TU1.SEP/H/12
