- 20 -
De griene romte, it moerasplan. It binne wurden dy't faak te
hearren binne yn üs fermidden. It kolleezje is drok dwaande om
nei te gean yn hoefiere dit ôfwykt fan plannen dy't der al
leinen. Se is bliid fan'e hear Bukman te hearren dat der seker
gjin sprake wêze sil fan twongen ferhûzings.
It C.D.A. freget oft it kolleezje net mear foar lytsskalige wurk-
gelegenheid is. Dat is perfoarst net sa. Mar net elts lytsskalig
bedriuw is op elts plak in like goede saak. Der sil bestim-
mingsplannen wêze moatte. Yn it bestjoersplan is oanjün dat
lytsskalige wurkgelegenheid ferspraat oer de doarpen in goede
saak is.
Ut tal fan opmerkings komt de spanning tusken wurkgelegenheid
yn'e lânbou, de suvel, üs potinsje as rekreaasjegemeente en wat
der dan noch oerbliuwt fan'e natuer en foar üs eigen ynwenners
nei foaren. Dat is yndied in probleem. We wolle üs eigen produkt
fansels net opite, we moatte noch wat oan te bieden hawwe op
rekreatyf mêd. Oan'e oare kant is it fan belang de wurkgelegen
heid yn'e lânbou goed yn it each te hâlden. Ek lânbouaktivitei-
ten hearre ta it attraktive fan üs gemeente en ta it ekonomyske
draachflak. By elts plan sil opnij dy ôfwaging makke wurde
moatte. Foar it kolleezje is fan belang wat de gefolgen foar de
eigen ynwenners binne.
It C.D.A. freget oft it it belied fan it koleezje is om foarsjen-
nings foar âlderen te konsinstrearjen yn Grou en Akkrum. Kenlik
moat hyltiten wer ütlein wurde dat it kolleezje it wichtich fynt
dat minsken salang mooglik yn harren eigen omjouwing wenje
bliuwe kinne. Gelokkich binne der tal fan foarsjennings dy't dat
belied stypje kinne. Se tinkt dan ünder oaren oan de thüssoarg.
Fan belang is ek hoe't der boud wurdt yn'e ferskate plakken. Yn
it ferline is der hyltiten om tocht huzen te bouwen dy't foar
meardere groepen te brûken binne. Dus ek foar minsken dy't de
trep net mear opkinne. Der binne ek saken dy't net by de minsken
thüsbrocht wurde kinne, de yntensivere soarg dy't somtiden
nedich is. Se tinkt dan oan deifersoarging, opname yn is fersoar-
gingsteus as de oanleunwenten. As it giet om datsoarte foarsjen
nings dan moat der in breder draachflak wêze en moat der oanslu-
ting socht wurde by foarsjennings dy't der al binne.
Ien fan de redenen dat it kolleezje it jild foar de sosjale
fernijing ynset al algemien dekkingsmiddel is omt de wize fan
wurkjen ütgiet fan'e ütgongspunten fan de sosjale fernijing.
Opheffe fan fünsen wurdt dien omt der jild nedich is. De
f 15.000,00 foar it handikaptenbelied is net bedoeld foar de
ütfiering sa't dy yn 1994 fan üs frege wurdt, mar foar in eigen
ynventarisearring fan foarsjennings yn de iepenbiere romte. De
kennis om seis dy ynventarisaasje te dwaan is der wol mar net de
kapasiteit
It C.D.A. betanket de frijwilligersYn it bestjoersplan wurdt
düdlik dat boargers mear belutsen wurde sille by tal fan ak-
tiviteiten. Buertbehear is dêr in foarbild fan. It stypjen fan
frijwilligers wol natuerlik net sizze dat der altiten finansjele
stipe tsjinoer stiet.
De V.V.D. is tige benijd nei it- toeristysk rekrea <sjeplan.
It kolleezje wol hjoed fan'e ried hearre oft hy ak.- giet mei
it opstelen fan in toeristysk rekreatyf aksjeplan en mei de
hichte fan it bedrach. Dêrnei kin der üteinsetten wurde.
