- 22 -
Oan'e iene kant binne de ütstellen foar it sosjaal kultureel
wurk troch in pear fraksjes fan'e hân wezen. Oan'e oare kant kin
hy in konstruktyf meitinken merkbite. It kolleezje kent syn
ferantwurdlikens oangeande it sosjaal kulturele wurk. Hooplik
kent ek de wolwêzenskommisje dy. It kolleezje wol de foarsjen-
nings dy't der no binne safolle mooglik yn stân hâlde. Binne der
dochs minpunten dan hopet it kolleezje goede alternativen biede
te kinnen.
Binnen de ried wurdt düdlik it gemis oan in kuluerbelied fielt.
Yn it plan fan oanpak, begj in 1993 sil ek dit aspekt meinommen
wurde. Oangeande allegear plannen jildt fansels wol dat yn it
plan fan oanpak ek rekken hâlden wurde moat mei de kapasiteit
fan it amtlik apparaat.
De hear Breeuwsma seit dat hy der de klam op lein hat dat dizze
begrutting kenmerkt wurdt troch in pear posten. De salarispost
002 en de útkearing Wet Uitkering Wegen. Syn fraach hat west oft
de 1,2 miljoen fan'e Wet Uitkering Wegen direkt ferwurke is yn
de post 002. Syn fraksje hat taakstellend oan it kolleezje
foarlein fan de 1,1 miljoen, salarispost 002 ien ton óf te
heljen. Dan bliuwt der noch in miljoen oer foar ütsetting fan'e
begrutting. Hy tinkt dat it kolleezje der goed oan docht net it
ferrin fan'e plannen oangeande de Groene Ruimte en de planologi
sche kernbeslissingen óf te wachtsjen mar kontakt te sykjen mei
de gemeenten Tytsjerksteradiel en Smellingerlân omt dy mei
Boarnsterhim hiel sterk by dizze plannen belutsen binne. Dizze
trije gemeenten moatte mei elkoar om'e tafel en sis seis,
wachtsje net de provinsje óf, wat de reaksje op dizze kernbeslis
singen wêze sil.
Hy hat grutte muoite mei wat de wethâlder seit oer it sosjaal
kultureel wurk. As troch dizze besunigingen foarsjennings ferdwi-
ne en dy sille der wêze, dan komme dy der net wer. It giet mar
om sokke lytse bedragen, fier dy besunigings net troch.
It is eins al te let foar in sportnota, dy hie der al lang wêze
moatten. Der moat perfoarst earst net snoeid wurde foardat der
in sportbelied is. De foarstelde besuniging kin no net toetst
wurde oan in besteand belied. Foar de âlderein is in betingsten
skeppend belied nedich om der foar te soargjen dat minsken
salang mooglik yn eigen omjouwing bliuwe kinne. Yn dy sin wurdt
der te rigoreus mei de post wenteoanpassing omgien. Thüssoarg is
tige wichtich mar de fasiliteiten dêrfoar moatte der wol wêze.
Hy fynt dat der net jild yn'e plannemakkerij foar it handikapten-
belied stoppe wurde moat. Mei dy f 15.000,00 kin gâns praktyske
saken oanpakt wurde.
Syn fraksje kin mei de moasje as sadanich wol ynstimme. De
fjirde alinea kin hy lykwols net mei akkoart gean. Frico Domo
moat yn dit kommende jier bewize wat hy wurdich is. De gemiddel
de boer ferspilet dit jier likernóch 10 20 tûzend gûne oan
ynkomsten yn ferliking mei neistlizzende fabriken, dy't in
bettere priis ütbetelje.
It sil katastrofaal wêze as de molkepriis net omheech giet, want
in protte boeren sille dan by de Frico Domo weigean. Troch de
opmerkingen fan'e fakbûnen wurdt der gân sâlt yn'e wûnen struit.
Hy tinkt ek dat der gj in fakbûnsbest j oerder is dy't liuwt yn
dizze oplossing.
